Luke 15:29 - MUKANDA WA MYIDI MUKULU

²⁹ Kadi muana mukulu kuambila tatuende ne: “Teleja, meme ndi mukuenzele mudimu bidimu bipite bungi. Tshiena muanji kubenga mukenji webe nansha umue to. Kadi katshia kuena muanji kumpesha nansha kana ka mbuji bua meme kusanka ne balunda banyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁹ Yeye wakandamuna tatu wandi ne, Ahu bidimu ebi bia bungi bindi mukukuatshile mudimu webe, tshiena muhidie di diebe; kadi wewe kuena mumpe kana ka mukoko bua meme kusanka ne balunda banyi;

Luke 15:29 ပူးပေါင်းရင်းမြစ်များ

Yeshaya 65:5

Badi bambila bantu badi basambakena nabu ne: “Semenayi kule, kanundengi to, bualu ndi muntu wa tshijila. Patupu nudi mua kufua.” Pandi mmona malu adibu benza, ndi mpeta amu tshiji.

Zekâya 7:3

ne bua kukonka batuangaji ne bambi ne: — Tudi ne bua kutungunuka amu ne miadi, tujila kabidi biakudia mu ngondu muitanu wa tshidimu tshionsu, bu mutudi tuenza kukadi bidimu bia bungi anyi?

Malaki 3:14

Nuvua nuamba ne: ‘Kukuatshila Mvidi Mukulu mudimu kakuena ne difutu to. Tuvua bitabe mikenji yende, banyingalale, bua Maweja-Nangila kutufuilaye luse, kadi katuvua bapete bualu bua nsongu nansha bumue.

Matayi 20:12

bamuambila ne: “Udi mutete bena mudimu, bauvua muangate ku mudimu ku ndekelu, difutu dia momumue ne dietu. Kadi bobu bavua bakuate mudimu amu diba dimue. Tuetu tuvua bakuate mudimu mu munya mukole dituku dijima!”

Luke 15:28

Nanku muanabute kufika munda, kubenga kubuela mu nzubu. Tatuende kupatuka, kumusengelela.

Luke 15:30

Kadi muanebe wawa upingana, yeye uvua mutule biuma biebe bionsu ku bakaji bena tshiendenda, wewe kumushipela muana wa ngombe utuvua badiundishe!”

Luke 15:7

Ndi nnuambila ne: ke mudibu basanka bipite mu diulu, bua muena malu mabi udi udilengeja, mudibu kabayi mua kusanka bua bantu makumi tshitema ne tshitema badi kabayi ne bua kudilengeja.

Luke 17:10

Ke munudi nuenu kabidi. Panudi nukumbaja bionsu bidi Mvidi Mukulu unuambila, nuambe amu ne: “Tudi amu bena mudimu ba patupu. Tuvua bakumbaje amu bituvua ne bua kuenza.”

Luke 18:9

Bantu bavua badifunyisha ne: tudi bakane ku mesu a Mvidi Mukulu, bapepeja kabidi bantu bakuabu, Yezu kubelela lusumuinu ne:

Luke 19:21

Mvua nkutshina, bualu udi muena tshikisu. Udi wangatabintu bidi kabiyi biebe, unowa biudi kuyi mukune.”

Rome 10:3

Bualu kabavua bajingulula mushindu udi Mvidi Mukulu ubingisha bantu kumpala kuende nansha. Bavua bakeba kudibingisha nkayabu mushindu wabu. Nanku kabena bitabe mushindu udi Mvidi Mukulu ubingisha bantu nansha.

Rome 3:20

Kakuena muntu udi mua kubinga ku mesu kua Mvidi Mukulu, bualu muntu nansha umue kena ukumbaja bidi mikenji yamba. Mikenji idi yambuluisha amu bantu bua bamanye muyuabu benze malu mabi.

Rome 3:27

Nanku kutshidi tshintu tshidi bantu mua kuditemba natshi anyi? Nansha kakese! Katshienaku nansha tshimue. Katshienaku bua tshinyi? Badi mua kuditemba bua mikenji idi ibafundila mudimu wa kuenza anyi? Nansha kakese! Amu mikenji idi ibafikishaku ditaba ke idi ne bualu.

Rome 7:9

Kale mvua ne muoyi, bualu mikenji kayivuaku. Kadi pafiki meyi ne mikandu, bubi kutuadija.

Didimanyisha 2:17

“Bidi Mueyelu wa Tshijila wambila Bisumbu bia bena ditaba, yonsu udi ne matshi a kumvua, asangane kumvua anyi? Umvue! “Badi batshimuna, nembapeshe mana masokome. Nempeshe kabidi yonsu wa kudibu lusoka lutoke lufunda dina dipiadipia, didi muntu kayi mumanye, amu udi udipeta.”

Didimanyisha 3:17

Udi wamba ne: ‘Ndi mubanji. Ndi mupete bivule. Tshiena nkengela tshintu!’ Kadi kuena mumanye dikenga diudi nadi, didi dikuatshisha luse! Udi mupele, udi butaka, udi mpofu.