Luke 15:27 - MUKANDA WA MYIDI MUKULU

²⁷ Muena mudimu kumuandamuna ne: “Muanenu wa balume mmupingane. Tatuebe mmushipeshe muana wa ngombe utuvua badiundishe, bualu muanende mmupingane ne bukole bua mubidi.”

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Wakamuambila ne, Muanʼenu wakulua; tatu webe wakushiha muana wa ngombe wa manyi, hua yeye wakumuangata mukole.

Luke 15:27 ပူးပေါင်းရင်းမြစ်များ

Matayi 22:4

Pashishe kutumaye bena mudimu bakuabu, ubambila ne: “Ambilayi bamvua mubikile ne: mpindiewu nkadi mumane kulongolola didia dianyi. Ndi mushipe ngombe milume, ne nyama mikuabu mimpe ya mafuta. Bionsu biakumbanyi! Vuayi mu didia dia dibaka!”

Luke 15:26

Kubikilaye muena mudimu mukuabu, kumukonka ne: “Tshidi aku ntshinyi?”

Luke 15:28

Nanku muanabute kufika munda, kubenga kubuela mu nzubu. Tatuende kupatuka, kumusengelela.

Luke 15:30

Kadi muanebe wawa upingana, yeye uvua mutule biuma biebe bionsu ku bakaji bena tshiendenda, wewe kumushipela muana wa ngombe utuvua badiundishe!”

Bienzedi 22:13

Ke kufikaye bua kumonangana nanyi. Kusemenaye pabuipi nanyi, ungamba ne: “Muanetu Shawule, tabalaku!” Diba mene adi meme kutabala, kumumona.

Bienzedi 9:17

Ke Ananiyase kuya. Kubuelaye mu nzubu awu, kutenteka Shawule bianza, umuamba ne: — Muanetu Shawule, Mfumu Yezu uvua mukumuenekele mu njila muudi utumina, mmuntume bua wewe kumona tshiakabidi, kuwula kabidi ne Mueyelu wa Tshijila.

Filemone 1:16

Mpindiewu katshiena mupika, kadi mmupite mupika: ukadi muanetu musuibue. Ndi mumunange bikole. Kadi wewe udi ne bua kupita kumunanga, bualu uvua mupika webe, mpindiewu ukadi muanenu munda mua Mfumu.

1 Samuele 28:24

Mukaji muena lubuku kushipa lukasa kana ka ngombe ka mafuta. Kusopaye bukula, kulamba tukata tua mampa.