Luke 15:20 - MUKANDA WA MYIDI MUKULU

²⁰ Ke yeye kujuka bua kupingana kudi tatuende. Yeye mutshikale kule ne nzubu wabu, tatuende kumumona. Kumumvuilaye luse bikole. Kuyaye lubilu bua kusambakena nende. Kumupukilaye ne disanka, umutua mishiku.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakabika, wakalua kudi tatu wandi. Hakadiye kuakua, tatu wandi wakamumona, luse luakamukuata, wakanyema lubilu, wakamuela tshituha ku nshingu, wakamutuatua mishiku.

Luke 15:20 ပူးပေါင်းရင်းမြစ်များ

Genese 33:4

Ke Esawu kunyema lubilu kumupukila. Bonsu babidi kudila muadi.

Genese 45:14

Yozefe ne Binyamine kupukilangana, kuasa miadi.

Genese 46:29

Yozefe kuangata ditempu diende, kuya mu Ngoshene bua kumonangana ne tatuende. Bamonangana, Yozefe kupukila tatuende, kudila musangu mule, mumuele mu tshitupa.

2 Samuele 14:33

Yowabe kuya kumanyisha mukalenga Davide bionsu bivua Absalome muambe. Mukalenga Davide kubikidisha Absalome. Absalome kuya lubilu, kudiela mpala panshi kumpala kua mukalenga. Ke mukalenga Davide kumupukila.

Misambu 86:15

Kadi wewe, Maweja-Nangila, Mvidi Mukulu udi ufuila bantu luse, wa lutulu, muwule tente ne buimpe, ulama malaya ebe,

Misambu 86:5

Maweja-Nangila wewe udi muakane, udi ne muoyi wa kufuila bantu luse, ne wa kupesha badi bakubikila bintu.

Yeshaya 49:15

Kadi Maweja-Nangila udi wandamuna ne: Mukaji udi mua kupua muana udiye wamusha mabele muoyi anyi? Udi mua kubenga kunanga muana uvuaye muambule mu difu diende anyi? Bushuwa, misangu mikuabu udi mua kumupua muoyi, kadi meme tshiena nkupua muoyi to.

Yeshaya 57:18

Ndi mumanye bimpe mudibu benza. Kadi meme nembenzele nenku: Nembalengeje, nembalombole mu njila, nembakoleshe ku muoyi! Bantu bavua bavuala bilamba bia madilu,

Yirmeya 31:20

Maweja-Nangila udi wamba ne: Efrayime ke muananyi musuibue, ke muana undi mupite kunanga. Misangu yonsu indi ntela dina diende, ndi mmuvuluka tshiyi mua kumupua muoyi. Ndi mumunange bikole, tshiena ne mushindu wa kubenga kumufuila luse.

Osheya 11:8

Nuenu bena Efrayime, tshiena mua kunutekela to. Nuenu bena Izrayele, tshiena mua kunuelela meji mabi to. Tshiena mua kunubutula, mumvua mubutule bimenga bia Adma ne Seboyime to. Bualu meme muenze nanku, ndi mua kumvua bibi; nengikale ne kanyinganyinga kakole.

Luke 15:19

Tshitshiena mukumbane bua untangile bu muanebe. Nanku ungangate bu muena mudimu webe.’ ”

Luke 15:21

Ke muana kumuambila ne: “Tatu wanyi, ndi muenzele Mvidi Mukulu bibi. Ndi mukuenzele ne wewe kabidi. Tshitshiena mukumbane bua untangile bu muanebe.”

Bienzedi 2:39

Bualu Mvidi Mukulu mmunulaye nuenu ne bana benu, kabidi ne bonsu batshidi kule, bonsu badi Maweja-Nangila Mvidi Mukulu wetu musue kubikila.

Bienzedi 20:37

Bonsu kudila miadi, kupukila Polu, bamutua mishiku bua kulayangana nende.

Efeze 2:13

Kadi nuenu bavua kule, mpindiewu nudi badisange nende. Nanku nudi basemene pabuipi ne Mvidi Mukulu ku lufu lua Kristu.

Efeze 2:17

Nanku Kristu mmufike bua kumanyisha bantu Lumu lua Disanka, ludi lufila bupole kudi bantu bonsu, kunudi nuenu bantu ba bisamba bikuabu batua kabayi pabuipi ne Mvidi Mukulu, ne kudi bena Yuda batua pamue nende.