Luke 15:15 - MUKANDA WA MYIDI MUKULU

¹⁵ Kuyaye kubuela ku mudimu kua muntu wa mu ditunga adi. Awu kumutuma ku bikumbi biende bua kulama ngulube.

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Wakaya, wakadilamika kudi muntu wa ku luseke alu; muntu au wakamutuma mu madimi andi bua kudisheye ngulube.

Luke 15:15 ပူးပေါင်းရင်းမြစ်များ

2 Kulondolola 28:22

Nansha Akaze mu dikenga dikole nanku, uvua anu utombokela Maweja-Nangila.

Ekesode 10:3

Moshe ne Arone kuya kudi mukalenga wa bena Ejipitu, kumuambila ne: — Maweja-Nangila Mvidi Mukulu wa bena Ebrewu, udi wamba ne: “Mbimpe udipuekeshe kumpala kuanyi. Ulekele bantu banyi bena Izrayele baye kuntendelela.

Yeshaya 1:5

Nudi nutungunuka ne buenzayi buenu bua tshinyi? Dinyoka divuabu banunyoke ki ndikumbane anyi? Mutu wenu onsu mmutapike mputa, muoyi wenu wa munda kawena ne bukole.

Yeshaya 57:17

Ntupakanyi ya bena Izrayele, ivua mianji kumfikisha munda. Mvua mubanyoke ne tshiji. Tshivua musue kubatangila kabidi to. Kadi bobu bavua batungunuka amu ne dienza bibi, muvua muoyi wabu ubalongesha.

Yirmeya 5:3

Maweja-Nangila, tshidi tshikusankisha ki nnsombelu muimpe wa muntu anyi? Wewe kunyoka bantu bebe, kadi dinyoka adi kadiena dibelesha meji to. Uvua musue kubabutula bonsu, kadi kubengabu mibelu yebe. Bena Yerushalayime mbena tshitunu. Badi babenga kupingana kuudi.

Yezekiyele 16:52

Nebakutuishe wewe bundu! Wewe udi mubingishe bana benu ba bakaji! Bualu uvua muenze bubi mubapite bobu. Nanku, bobu mbamueneke bu bakane, patudi tubafuanyikija nebe. Wewe neufue bundu. Nebakupuekeshe, bualu bubi buebe mbupite. Ke muudi mubingishe bana benu ba bakaji!

Yezekiyele 16:63

Nanku, neuvuluke malu a kale. Bundu nebukukuate. Kuakuakula kabidi to. Kadi meme, nenkufuile luse ku bubi buonsu buuvua muenze. Meme Maweja-Nangila, ndi njadika bualu ebu.”

Nahume 3:6

Nenkubondakaje ne bitotshi, utue bundu. Nebishale tshilejilu tshidi tshikuatshisha bantu bowa!

Malaki 2:9

Nanku, meme nensake bena Izrayele bonsu bua banupepeje, banufuishe bundu, bualu kanuena nuenza mundi musue. Nudi nuenzela bantu malu ne kansungansunga.”

Matayi 7:6

— Tshintu tshia tshijila, kanutshieledi mbua, bua kayinukudimukidi, ikebe kunusuma. Kanueledi ngulube busanga, bua kayibudiatakaji.

Luke 15:13

Munkatshi mua matuku makese muana muakunyi kupana bintu biende bionsu, kuya ne makuta ku ditunga dia kule. Kuine aku uvua wenza buenzayi, utulakaja biuma biende.

Luke 15:14

Nsongalume mumane kudila makuta onsu, tshiyole tshia nzala tshikole kubuela mu ditunga adi. Ke nsongalume awu kutuadija kukenga.

Luke 15:16

Nsongalume uvua ujinga kudia bimuma bia mutshi bivua ngulube idia. Kadi muntu kavua umupeshabi to.

Rome 6:22

Kadi lelu mbanupikule ku bubi. Nudi nukuatshila Mvidi Mukulu mudimu. Ke munudi bantu ba tshijila, badi benza bidi Mvidi Mukulu musue. Ku ndekelu nenupete muoyi wa tshiendelele.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.