Luke 15:13 - MUKANDA WA MYIDI MUKULU

¹³ Munkatshi mua matuku makese muana muakunyi kupana bintu biende bionsu, kuya ne makuta ku ditunga dia kule. Kuine aku uvua wenza buenzayi, utulakaja biuma biende.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Hakahita matuku makese, muana muakunyi wakasangisha bintu biandi bionso, wakaya mu luendu kule ku luseke lukuabo; wakatangadishaku bintu biandi bionso ku malu mabi akenzenzeye.

Luke 15:13 ပူးပေါင်းရင်းမြစ်များ

Misambu 73:27

Bantu badi bakubenga, nebajimine, badi bakuvila, nebabutuke butubutuu.

Nsumuinu 18:9

Muntu udi ulengulula mudimu wende mmuanabu ne muntu udi uunyanga.

Nsumuinu 21:17

Udi unanga masanka a mubidi neashale mupele. Munu wa mvinyo nansha mudiavi, kena mua kupeta bubanji to.

Nsumuinu 21:20

Mu diyeba dia muena meji mudi biakudia bivule ne bintu bikuabu bia mushinga mukole. Kadi muntu mutatakane udi ujimija bionsu bidiye nabi.

Nsumuinu 27:8

Muntu udi wendakanangana kule ne muabu, udi bu nyunyi udi wendela kule ne disua diende.

Nsumuinu 28:7

Muana udi ulama mikenji ya Mvidi Mukulu mmuana wa lungenyi. Kadi muana udi wendakana ne balunda babi udi ufuisha tatuende bundu.

Nsumuinu 29:3

Munangi wa meji udi usankisha tatuende. Kadi muyidi wa bakaji ba tshiendenda udi unyanga lupetu luende.

Nsumuinu 6:26

Mukaji muena tshiendenda, badi bamufuta amu tshiakudia tshikese. Kadi bua mukaji wa bende, muntu neajimije bionsu bidiye nabi.

Yeshaya 1:4

Eyi, nudi tshisamba tshia bena tshibawu, tshisamba tshia bena buenzayi. Nudi ndelanganyi ya bantu babi, badi benda banyanguka. Nudi babenge Maweja-Nangila, nudi badiwule Mukalenga wa tshijila wa Izrayele, nudi bamuele nyima.

Yeshaya 22:13

Kadi nuenu kusanka amu kusanka, kushipa ngombe, kukosa mikoku mitu, kudia minyinyi, kunua maluvu… Nuenu kuamba ne: “Tudiayi, tunuayi, bualu malaba netufue.”

Yeshaya 30:11

Badi bajinga bua bambi balekele kulonda njila wa buakane, bumuke mu njila muimpe. Badi bamba ne: “Katuena basue, bua nutele dina dia Mvidi Mukulu wa tshijila wa bena Izrayele.”

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Yirmeya 2:13

Bantu banyi bena Izrayele mbenze malu mabi abidi: Mbambenge meme, mpokolu wa mayi mimpe. Mbadiumbuile biina bia mayi. Kadi biina bia mayi abi mbimane kuela mitanta, kabiena mua kulama mayi to!

Yirmeya 2:31

(Bantu badi babala bualu ebu mpindiewu, bateleje bimpe tshidi Maweja-Nangila wamba!) Bena Izrayele, meme Maweja-Nangila ndi nnukuatshisha bowa mudi tshipela nansha mudi ditunga didi ne miidima bikuatshisha bantu bowa anyi? Eyi, bantu banyi bena Izrayele, mmunyi munudi nuamba ne: “Tudi tuenza mutudi basue, katuena tupingana kuudi!”

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Mika 6:3

Udi wamba ne: “Nuenu bantu banyi, mbubi kaayi bundi munuenzele? Ndi munutonde ku thinyi? Nungambile!

Luke 15:12

Muana muakunyi uvua ulomba tatuende ne: “Tatu, umpeshe tshianyi tshia bumpianyi tshindi ne bua kupeta.” Nanku tatu awu kuabanyina bana bende bi-vuaye nabi.

Luke 15:14

Nsongalume mumane kudila makuta onsu, tshiyole tshia nzala tshikole kubuela mu ditunga adi. Ke nsongalume awu kutuadija kukenga.

Luke 15:30

Kadi muanebe wawa upingana, yeye uvua mutule biuma biebe bionsu ku bakaji bena tshiendenda, wewe kumushipela muana wa ngombe utuvua badiundishe!”

Luke 16:1

Yezu kuambila balongi bende ne: — Muena biuma kampanda uvua ne mumulaminyi wa bintu. Bantu kuambila muena biuma ewu ne: mukulaminyi wa bintu udi utulakaja bintu biebe.

Luke 16:19

— Kuvua muena biuma uvuala bilamba bimpe bia mushinga mukole. Dituku dionsu uvua udia bilenga, usanka.

Efeze 2:13

Kadi nuenu bavua kule, mpindiewu nudi badisange nende. Nanku nudi basemene pabuipi ne Mvidi Mukulu ku lufu lua Kristu.

Efeze 2:17

Nanku Kristu mmufike bua kumanyisha bantu Lumu lua Disanka, ludi lufila bupole kudi bantu bonsu, kunudi nuenu bantu ba bisamba bikuabu batua kabayi pabuipi ne Mvidi Mukulu, ne kudi bena Yuda batua pamue nende.

2 Petro 2:13

Nebabakengeshe, muvuabu bakengeshe bakuabu. Badi badisankisha, benza malu mabi munda munya. Panudi nabu ku mesa badi banufuisha bundu, banubueja mu mbipishilu, basanka bua kunudinga.