Luke 14:24 - MUKANDA WA MYIDI MUKULU

²⁴ Ndi nnuambila ne: ku bantu bamvua mubikile aba, muntu nansha umue kakudia didia dianyi edi to.”

Mukanda wa Nzambi Dihungila Dikulukulu ne Dihungila Dihia-dihia 2003

²⁴ Ndi nuambila ne, Banakubikila diambedi, kakuena umue wabo udi mua kulabula bidia bianyi.

Luke 14:24 ပူးပေါင်းရင်းမြစ်များ

Matayi 21:43

— Ke Yezu kuamba kabidi ne: ke pandi nnujadikila ne: nebanunyenge Bukalenga bua Mvidi Mukulu, bua kubupesha tshisamba tshidi mua kukuama bimuma bilenga. [

Matayi 22:8

Pashishe kuambilaye bena mudimu bende ne: “Tukadi balongolole didia dia dibaka. Kadi bantu bamvua mubikile, kabatua badikumbanyine to.

Luke 14:23

Ke mfumu kuambila muena mudimu wende ne: “Uye mu njila ya ku ntshiama, ku mielelu ya mpangu, wenzeje bantu ku bukole, bua babuele mu nzubu wanyi, uwule tente.

Luke 14:25

Bantu ba bungi bavua baya ne Yezu mu njila. Yezu utangila kudibu, kubambilaye ne:

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Yowanane 8:21

Yezu kubambila kabidi ne: — Meme nengumuke. Nenunkebe. Kadi nenufuile mu malu enu mabi. Kanuena mua kuya kundi nya.

Yowanane 8:24

Ke pandi munuambile ne: nenufuile mu malu enu mabi. Bualu panuikala kanuyi nuitaba ne: “Meme ndi mundi,” nenufue mu malu enu mabi.

Bienzedi 13:46

Kadi Polu ne Barnabase bavua babambila patoke ne: — Nuenu ke batuvua ne bua kudianza kumanyisha muaku wa Mvidi Mukulu. Kadi bu munudi nuubenga, nudimona ne: katuena bualu ne muoyi wa kashidi, nanku tuetu tudi tuya kudi bantu badi kabayi bena Yuda.