Luke 14:22 - MUKANDA WA MYIDI MUKULU

²² Ke muena mudimu kupingana, wamba ne: “Mfumu, ndi muenze muonsu muudi muambe. Kadi nkushale kabidi muaba.”

Mukanda wa Nzambi Dihungila Dikulukulu ne Dihungila Dihia-dihia 2003

²² Muntu wandi wakamba ne, Nfumu wanyi, bakuenza bu muwakuamba, kadi miaba mikuabo idi mishale.

Luke 14:22 ပူးပေါင်းရင်းမြစ်များ

Misambu 103:6

Maweja-Nangila udi ukosa nsambu pa yoyi, udi ulumbuluila bantu badibu bakengesha.

Misambu 130:7

Bena Izrayele, Tekemenayi Maweja-Nangila, bualu udi muimpe, udi mua kunusungidila mishindu yonsu.

Luke 14:21

Muena mudimu kupingana kudi mfumuende, kumumanyisha bivua bantu bandamune. Mfumu wa nzubu kufika munda bikole, kuambila muena mudimu wende ne: “Uye lukasa mu bisalu ne mu misesu ya mu tshimenga. Ufike ne bapele, balema, bampofu ne badi batebuka.”

Luke 14:23

Ke mfumu kuambila muena mudimu wende ne: “Uye mu njila ya ku ntshiama, ku mielelu ya mpangu, wenzeje bantu ku bukole, bua babuele mu nzubu wanyi, uwule tente.

Yowanane 14:2

Mu nzubu mua Tatu wanyi mudi miaba ya bungi ya kusomba. Ndi nya kunulongoluela muaba. Bu bualu ebu kabuyi bulelela, tshivua mua kumuambilabu nansha.

Efeze 3:8

Meme ndi mushadile ku bantu bonsu badi bitaba Mvidi Mukulu. Kadi Mvidi Mukulu uvua muntutshishe diakalenga edi: bua mmanyishe bantu ba bisamba bikuabu Lumu lua Disanka lua bubanji bupite butudi tupeta kudi Kristu.

Kolose 2:9

Bualu Mvidi Mukulu udi mujima munda mua Kristu mu bumuntu buende.

1 Yone 2:2

Bualu Yezu Kristu uvua mudifile bu mulambu, bua batujimijile mibi yetu. Kabena bajimija amu yetu nkayayi, kadi ne ya bantu bonsu ba pa buloba kabidi.