Luke 14:21 - MUKANDA WA MYIDI MUKULU

²¹ Muena mudimu kupingana kudi mfumuende, kumumanyisha bivua bantu bandamune. Mfumu wa nzubu kufika munda bikole, kuambila muena mudimu wende ne: “Uye lukasa mu bisalu ne mu misesu ya mu tshimenga. Ufike ne bapele, balema, bampofu ne badi batebuka.”

Mukanda wa Nzambi Dihungila Dikulukulu ne Dihungila Dihia-dihia 2003

²¹ Muntu wakalua, wakambila nfumu wandi malu â. Muena nsubu wakadi ne tshishi, wakambila muntu wandi ne, Ya biebe lubilu mu misesu ya musoko ne mu tushila tukese, ulue ne bahele ne bataha ne bafofo ne balema.

Luke 14:21 ပူးပေါင်းရင်းမြစ်များ

Misambu 2:12

Nutumikile muanende. Kanuyi benza nanku, yeye mufike munda, nenubutuke. Bualu tshiji tshidi mua kumulunduka lukasa. Bena diakalenga mbonsu badi banyemena kudi Maweja-Nangila!

Misambu 38:7

Maboku mmantekete. Dikenga ndintonde. Butuku ne munya ndi amu ne binsonji kuisu.

Yeshaya 33:23

Mbamane kusulula mionji ya matu a baluishi. Kayena ishindika kabidi mutshi, kabena babandisha kabidi nayi dibendele dia buatu. Dituku adi, nebabanyangane bintu bituvua banyenge mu mvita. Nansha balema mene, nebaye kupawula bintu bia baluishi.

Yeshaya 35:6

Diba adi, batebuki nebatupike, baja ne maja, bu ngulungu mu mpata. Tumama netuele mbila ya disanka. Bualu mu tshipela, nemupatuke mayi: Misulu neipueke mu ditunga divua ne munanga.

Yirmeya 5:1

Endakanayi misesu yonsu mu Yerushalayime. Nutangile bimpe, nukebulule. Nutangile mu bisalu bionsu. Nuenu bapete muntu nansha umue udi wenza malu mempe, udi musue kuikala muntu muakane, nuenu basangane muntu wa nanku, meme Maweja-Nangila nemfuile Yerushalayime luse.

Zekâya 11:11

Ndondu kunyanguka dituku adi. Bangenda mushinga ba mikoku eyi bavua bantangile. Kujingululabu ne: Maweja-Nangila ke udi utuambila malu ku bidi muambi wenza.

Zekâya 11:7

Ke meme kushala mulami wa mikoku, ivua bangenda mushinga bakeba kushipa. Nanku meme kuangata makombu abidi. Meme kuinyika dikombu dia kumpala ne: “Bulunda,” dibidi ne: “Bobumue.” Ke meme kulama nawu mikoku bimpe!

Matayi 11:28

Vuayi kundi, nuenu bonsu badi bapungile ne bujitu bunudi nuambula. Meme nelumpeteshe dikisha.

Matayi 11:5

mpofu idi imona, batebuki badi benda, bena nsudi badi bapanda, bena mapapa badi bumvua, bafue badi babika, bapele badi babamanyisha Lumu lua Disanka.

Matayi 15:12

Ke balongi kusemena kudi Yezu, bamukonka ne: — Udi mumanye muvua Baparushe bafike munda pa kumvua muuvua wakula anyi?

Matayi 18:31

Bena mudimu nende bamona bionsu abi, kubungamabu bikole, kuyabu kulondela mukalenga wabu bivua bienzeka.

Matayi 20:7

Bobu kumuandamuna ne: “Bualu muntu ki mmutuangate ku mudimu to.” Ke yeye kubambila ne: “Nanku nuenu kabidi nuye kukuata mudimu mu budimi buanyi bua nwinyo.”

Luke 14:13

Kadi pawikala wenza didia dia tshibilu, ubikile bapele, balema, batebuki ne bampofu.

Luke 14:20

Muntu muisatu kuamba ne: “Ndi musele amu mpindiewu. Nanku tshiena ne mushindu wa kuyaku to.”

Luke 14:22

Ke muena mudimu kupingana, wamba ne: “Mfumu, ndi muenze muonsu muudi muambe. Kadi nkushale kabidi muaba.”

Luke 14:24

Ndi nnuambila ne: ku bantu bamvua mubikile aba, muntu nansha umue kakudia didia dianyi edi to.”

Luke 24:47

Badi ne bua kulongesha bisamba bionsu mu dina diende, kutuadija ku Yerushalayime, ne: kudiye ke kudi bantu mua kupeta bukole bua kudilengeja, bua Mvidi Mukulu abajimijile mibi yabu.

Luke 9:10

Bapostolu ba Yezu kupingana kudiye, bamuambila bionsu bivuabu benze. Yezu kubangata, kuya nabu pa nkayabu pabuipi ne tshimenga tshia Betsayida.

Yowanane 9:39

Ke Yezu kuamba ne: — Ndi mulue pa buloba ebu bua balumbuluishe bantu: bua bampofu bamone, kabidi bua badi bamona bashale bampofu.

Ebrewu 13:17

Nutumikile balombodi benu, nubakokele. Bualu diba dionsu badi balame mioyi yenu, bualu Mvidi Mukulu neabalumbuluishe, neabele nkonku pa mudimu wabu. Panuikala babatumikile nebakumbaje mudimu wabu ne disanka. Tshianana nebaukumbaje ne dibungama. Abi kabiena mua kunupetesha kantu.

Ebrewu 2:3

Nanku, patualengulula lupandu bunene nenku, mutuapanduka dinyoka mmunyi? Maweja-Nangila nkayende uvua mudianze kutumanyisha lupandu elu. Pashishe bavua bumvue mudi lupandu elu kutujadikilabu bunene bualu.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

Didimanyisha 19:15

Mukana muende muvua mupatuka muele mutue wa kutapa nawu bisamba bidi bimubenga. Neabiludike ne dikombu dia tshiamu. Neabizaze mudibu bazaza tumuma tua nwinyo mu tshikaminu. Ke mudiye utalaja tshiji tshia Mvidi Mukulu wa bukole buonsu tshidi tshikuatshisha bantu buowa.

Didimanyisha 22:17

Mueyelu wa Tshijila, ne Mukaji udi ubuela mu dibaka, badi bamba ne: “Luaku!” Udi mumvue muaku ewu, ambe kabidi ne: “Luaku!” Muntu udi ne nyota, asemene pabuipi. Muntu udi ujinga kunua mayi a muoyi, nebamupewu tshianana.

1 Samuele 2:8

Udi ujula mupela uvua mudishinde panshi. Umushe ku diala muena dikenga udibu bimansha, bua kumusombesha miaba ya lumu, pamue ne bantu banene. Buloba bujima budi bua Maweja-Nangila. Yeye ke udi mubuimanyike pa makunji abu.

1 Samuele 25:12

Bantu bavua nabu Davide, kupingana kudi Davide, kumuambila bionsu bivua Nabale muambe.