Luke 13:33 - MUKANDA WA MYIDI MUKULU

³³ Kadi ntshidi ne bua kutungunuka ne luendu luanyi lelu, maloba, ne dituku dialonda. Bualu ki mbimpe bua bashipele muambi muaba mukuabu, amu mu Yerushalayime.

Mukanda wa Nzambi Dihungila Dikulukulu ne Dihungila Dihia-dihia 2003

³³ Kadi bundi nʼabu mbua kuya mu nshila lelu ne makelela ne maihi; bualu bua muprofete kena mumanye mua kufuila kukuabo anu mu Yelushalema.

Luke 13:33 ပူးပေါင်းရင်းမြစ်များ

Matayi 20:18

— Telejayi. Tudi tubanda ku Yerushalayime. Muana wa muntu nebamufile mu bianza bia bamfumu ba batuangaji, ne bia balongeshi ba mikenji. Nebamufundile tshibawu tshia lufu.

Matayi 21:11

Bantu bakuabu bavua bandamuna ne: — Yezu, muambi, muena Nazarete wa mu Ngalileya.

Luke 9:53

Kadi bantu aba bakabenga kuakidila Yezu, bualu uvua uya mu Yerushalayime.

Yowanane 11:54

Ke pavua Yezu katshiyi wendakana kabidi patoke munkatshi mua bena Yuda to. Kuyaye mu ditunga divua pabuipi ne tshipela, mu musoku uvuabu binyika ne: Efrayime. Kushalayemu ne balongi bende.

Yowanane 11:9

Yezu kubandamuna ne: — Dituku dijima kadiena ne meba dikumi ne abidi anyi? Padi muntu wenda munda munya, kena utuuta dikasa ku dibue, bualu udi umona butoke bua panu.

Yowanane 12:35

Yezu kubandamuna ne: — Butoke butshidi munkatshi muenu, kadi mbua katupa kipi. Endayi panutshidi ne butoke, bua miidima kuyinujikididi. Bualu muntu udi wenda mu miidima kena mumanye kudiye uya.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Yowanane 9:4

Patutshidi mu munya, tudi ne bua kukuata midimu ya uvua muntume. Butuku bukadi pa kuila, budi muntu nansha umue kayi mua kukuata mudimu.

Bienzedi 10:38

Nudi bamanye Yezu wa muNazarete, uvua Mvidi Mukulu musungule. Uvua mumuwuje ne Mueyelu wende wa Tshijila, kabidi ne bukole buende. Nanku Yezu kuendakana mu ditunga dijima, wenza bilenga, ujikija masama a bantu bonsu, bavuabu bakuate kudi mukishi mubi. Bualu Mvidi Mukulu uvua nende.

Bienzedi 13:27

Bualu bena mu Yerushalayime, ne bamfumu babu, kabavua bamanye ne: Yezu udi nganyi. Nanku kabavua bajingulule miaku ya bambi, ivuabu bababadila dituku dionsu dia Dikisha. Kadi bavua bakumbaje miaku eyi pa kufundila Yezu tshibawu tshia lufu.