Luke 13:17 - MUKANDA WA MYIDI MUKULU

¹⁷ Pavua Yezu wamba nanku, baluishi bende bonsu kumvua bundu. Kadi bantu bakuabu bavua basanka bonsu bua malu mimpe onsu avua Yezu muenze aa.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Hakambeye dî edi, bonso bakadi nʼandi lukuna bakakuatshika bundu ku mesu; bantu ba tshisumbu tshionso bakasanka bua malu onso a butumbi akenzeye.

Luke 13:17 ပူးပေါင်းရင်းမြစ်များ

Misambu 109:29

Bua badi bansonguela, lumu luabu lupuke bu kazaku, bafue bundu bu muntu mudibuikile tshilamba!

Misambu 111:3

Malu ende adiye wenze adi ne lumu ne buneme, buakane buende budi bua kashidi.

Misambu 132:18

Nemfuishe baluishi bende bundu, tshifulu tshia bukalenga netshikenke ku mutu kuende.”

Misambu 40:14

Maweja-Nangila, umpandishe. Maweja-Nangila, kolesha ungambuluishe.

Ekesode 15:11

Maweja-Nangila, ku mvidie idibu batendelela, udi ukufuana nnganyi? Kakuena udi wa tshijila, amu wewe! Kakuena mukuabu udi mua kuenza malu a kukema! Kakuena mukuabu utudi ne bua kutshina. Kakuena mukuabu utudi tutumbisha.

Yeshaya 4:2

Dituku dikuabu, Maweja-Nangila neafukishe tshiakabidi buloba. Tshionsu tshidi tshitoloka netshikole. Bantu badi bashala ne muoyi mu Izrayele, nebasanguluke padibu bamona bionsu ebi. Nenku nebapetulule lumu ne butumbi biabu.

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Yeshaya 66:5

Nuenu badi bateleja diyi dia Maweja-Nangila ne luzakalu, bamuitaba, umvuayi tshidiye unuambila. Nudi ne bena kuenu, badi banudiwula, banuipata munkatshi muabu, bualu nudi balamate Mvidi Mukulu. Badi banuamba, baseka ne: “Maweja-Nangila aleje bukole buende tumone munudi basanka!” Kadi bobu nebafue bundu.

Luke 14:6

Kupangabu tshia kumuandamuna.

Luke 18:43

Diakamue mpofu kumona bimpe, kulonda Yezu, wenda utumbisha Mvidi Mukulu. Bantu bonsu bavua bamona bualu ebu, kutumbishabu kabidi Mvidi Mukulu.

Luke 19:48

Kadi kabavua bamanye tshia kuenza, bualu bantu bonsu bavua pabuipi nende, bamuteleja ne ntema mivule.

Luke 20:40

Bualu kabatshivua bakimina kumuela nkonku mikuabu.

Bienzedi 4:21

Bena Tshipangu kubakanyina tshiakabidi, pashishe kubalekelabu. Kabavua ne mushindu wa kubanyoka, bualu bantu bonsu bavua batumbisha Mvidi Mukulu bua bivua bienzeke.

2 Timote 3:9

Kadi kabakuya muaba mule to. Bualu bantu bonsu nebajingulule ne: bantu aba mbatatakane. Ke muvuabu bajandule kale butatakana bua Yanese ne Yambrese nanku.

Tite 2:8

Akula miaku amu milenga, idibu kabayi mua kudiwula. Nanku baluishi bebe nebafue bundu, bualu kabena bapeta bualu bubi bua kutujana nabu.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.