Luke 12:58 - MUKANDA WA MYIDI MUKULU

⁵⁸ Padi muntu ukufunda ku tshilumbu, nuya nende pamue ku tshilumbuluilu, enza muebe muonsu bua numvuangane nende, panutshidi mu njila. Kuyi wenza nanku, muena lukuna nebe neakufikishe kudi mukoshi wa nsambu. Awu pende neakufile kudi mufutshishi wa bibawu, bua akueleshe mu nzubu wa lukanu.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁸ Hautshidi uya ne udi nʼebe lukuna kudi mukelenge, mu nshila mene umusengelele bikole akulekele; biwikala kui wenza nunku, yeye neakukoke kudi mulumbuludi, mulumbuludi neakufile mu bianza bia mpolushe, mpolushe nenkuele mu nsubu wa lukanu.

Luke 12:58 ပူးပေါင်းရင်းမြစ်များ

Yobe 22:21

Utue ndondu ne Mvidi Mukulu. Nanku bionsu nebiende bimpe. Ke muudi mua kupeta diakalenga tshiakabidi.

Yobe 23:7

Mvua mua kuyukidilangana nende bualu ndi muntu muakane. Yeye mukoshi wa nsambu uvua mua kumbingisha kashidi.

Misambu 32:6

Ke mudi bantu bebe bonsu mua kukutendelela diba dia dikenga. Nansha babuele ne kasuki mu njiwu minene, badi amu bapanda.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Yeshaya 55:6

Nuye bonsu kudi Maweja-Nangila, bualu mpindiewu udi munuindile! Numuele lubila, bualu udi pabuipi nenu.

Matayi 18:30

Kadi awu kavua musue to. Kumueleshaye mu nzubu wa lukanu, too ne pafutaye dibanza diende.

2 Korente 6:2

Bualu Mvidi Mukulu udi wamba mu Mukanda wa tshijila ne: “Tshikondu tshia kukuleja mundi nkunanga tshimane kufika, ke meme kukuteleja. Dituku dia kukusungidila dimane kufika, ke meme kubambuluisha.” Telejayi! Lelu ke tshikondu tshinudi ne bua kuanyisha bua Mvidi Mukulu anunange, ke dituku didiye mua kunusungidila.

1 Petro 3:19

Amu ku bukole bua Mueyelu ewu, mmuye kulongesha bavua mu kandondu ka bafue Lumu lua Disanka.

2 Petro 1:15

Ke mundi ngenza mpindiewu muanyi muonsu, bua numone mua kuvuluka kashidi malu aa, nansha meme mumane kufua.

Yuda 1:3

Betu basuibue, nkavua njinga bikole kunufundila malu a pa lupandu lutudi batekemene bonsu. Kadi ndi mumone ne: ndi ne bua kunutumina kabidi mukanda ewu, bua kunukolesha ku muoyi, bua nuluile ditaba didi Mvidi Mukulu mupeshe bantu bende bua kashidi.

Didimanyisha 20:7

Papita bidimu tshinunu, nebapande diabolu mu lukanu.