Luke 12:48 - MUKANDA WA MYIDI MUKULU

⁴⁸ Kadi muena mudimu udi wenza malu makanyina dinyoka, kayi mumanye tshidi mfumuende musue, nebamutuute kakese. Muntu muabu bapeshe bia bungi, nebamulombe bia bungi. Uvuabu bambike bia bungi, nebamulombe bipite.

Mukanda wa Nzambi Dihungila Dikulukulu ne Dihungila Dihia-dihia 2003

⁴⁸ kadi wakadi kai mumanye bualu, Wakenza malu a kukumibua, nebamukume bikese. Muntu yonso udi uheshibua bia bungi nebamulombe bia bungi; biatekabo bia bungi mu bianza bia muntu, nebamulombe bikuabo ha mutu.

Luke 12:48 ပူးပေါင်းရင်းမြစ်များ

Lewitiki 5:17

“Padi muntu kampande muenze bualu bubi budi bubengangana nansha ne mukenji umue wa Maweja-Nangila, nansha muenze kayi mumanye, muntu awu udi muena tshibawu.

Dibadika 15:27

“Kadi, pikala muntu amu umue mutupakane mu mpukapuka, neandambule muana wa mbuji wa tshidimu tshimue bua kudikobolola.

Matayi 13:12

Bualu muntu udi ne tshintu, neapete tshikuabu. Nanku neikale nabi bivule. Kadi udi kayi natshi, nebamunyenge tshikese tshidiye natshi.

Matayi 23:14

Nuenu balongeshi ba mikenji ne Baparushe, nudi bena diakabi, bualu nudi bena mpala ibidi! Nudi nutendelela mutantshi mule, bua bantu banumone bu bantu bimpe. Kadi nudi nunyenga bakaji bakamba bionsu bidibu nabi. Nanku nebanunyoke bikole bipite!]

Luke 12:41

Ke Petro kuebeja Yezu ne: — Mfumu, lusumuinu elu udi mutuelele tuetu nkayetu anyi bantu bonsu?

Luke 12:49

— Ndi mufike pa buloba ne kapia. Ndi musue kateme amu mpindiewu.

Luke 16:2

Nanku muena biuma kubikila muntu awu, umukonka ne: “Bualu bundi ngumvua bakuamba ebu budi bishi? Badika bintu bianyi bionsu, bualu kuakundamina kabidi bintu to.”

Yowanane 15:22

Bu meme tshiyi mulue, kabatua mua kupila nansha. Kadi mpindiewu kabena ne pa kubingila bua bubi buabu.

Bienzedi 17:30

Mvidi Mukulu kena musue kuvuluka bikondu bivua bantu kabayi bamumanye. Kadi mpindiewu udi ubikila bantu bonsu miaba yonsu, ubalomba bua badilengeje.

Dielulula 25:2

Pikala muntu udi mupite mupete dinyoka dia kumutuuta mikaba bungi kampande, mulumbuluishi neamuladike panshi, bamututshishe mikaba ayi bungi bukumbanyine tshitema tshivuaye muenze, mulumbuluishi muikale koku.

1 Timote 1:11

Dilongesha edi didi difuma ku Lumu lua Disanka lundi ne bua kukobola. Lumu lua Disanka elu ludi lutumanyisha butumbi bua Mvidi Mukulu, udi mpokolu wa diakalenga dietu.

1 Timote 1:13

nansha mumvua mumujane kale, mumukengeshe, mumupende. Kadi Mvidi Mukulu kumfuila luse, bualu tshivua ne ditaba, tshivua mumanye tshimvua ngenza.

1 Timote 6:20

Timote wanyi, lama biakane tshivuabu bakupeshe. Epela biakulakula bia bantu badi baluisha ditaba, badiamba ne: tudi ne dimanya, padibu kabayi bamanye.

Tite 1:3

Mpindiewu tshikondu tshiakumbanyi tshidiye utumanyisha muoyi awu, mu Lumu lua Disanka lundi meme ne bua kukobola ku bukenji bupeta kudi Mvidi Mukulu, Musungidi wetu.

Yakobe 3:1

Bana hetu, kanujingi kuikala ba bungi ku bulongeshi. Bualu nudi bamanye ne: tuetu balongeshi, nebatulumbuluishe ne disu dikole, bipite mudibu balumbuluisha bakuabu.