Luke 12:32 - MUKANDA WA MYIDI MUKULU

³² — Nudi amu kasumbu kakese. Kadi kanutshinyi nansha! Bualu Tatu wenu mmusue kunupa Bukalenga.

Mukanda wa Nzambi Dihungila Dikulukulu ne Dihungila Dihia-dihia 2003

³² Nuenu tshisumbu tshikese tshia mikoko, kanutshinyi; bua Tatu wenu udi musue kunuha bukelenge.

Luke 12:32 ပူးပေါင်းရင်းမြစ်များ

Yeshaya 40:11

Udi bu mulami wa mikoku, udi usaka mikoku yende. Udi utuma amu tshianza, uyikunguja kaba kamue. Udi wambula bana ba mikoku mu tshiadi tshiende, usaka bitulu bitulu mikoku idi yamusha tuana.”

Yeshaya 41:14

Izrayele, tshisamba tshia Yakobe, lekela kutshina. Bakuabu badi bakumona bu kantu kakese, bu kishi kadibu mua kudiata ku makasa. Kadi meme nkayanyi nenkuambuluishe. Meme Maweja-Nangila ndi njadika nanku. Meme Mvidi Mukulu wa tshijila wa bena Izrayele, nenkusungidile.

Yeshaya 53:6

Tuvua bapambuke eku ne eku, miaba yonsu, bu mikoku idibu batangalaja, muntu yonsu ulonda wende njila, muntu wende njila. Dinyoka divuabu mua kutunyoka tuetu, bua bilema bietu bonsu, ke divuabu bamunyoke nadi.

Yirmeya 3:19

Meme Maweja-Nangila kuamba ne: Eyi, ndi musue, bua wikale muananyi muanabute. Ndi musue kukupa ditunga dimpe, ne bupianyi budi bupite bintu bionsu bia pa buloba! Meme kutekemena ne: Neumbikile ne: “Tatu wanyi.” Kuakumbenga kabidi to.

Matayi 14:27

Diakamue Yezu kubambila ne: — Kanutshinyi. Meme! Koleshayi muoyi!

Matayi 20:16

Ke Yezu kuamba kabidi ne: nanku ba ndekelu nebikale ba kumpala; ba kumpala nebikale ba ndekelu.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

Luke 10:21

Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Yowanane 18:36

Yezu kuandamuna ne: — Bukalenga buanyi ki mbua pa buloba to. Bu bukalenga buanyi buikale bua pa buloba, bantu banyi bavua mua kuluangana myita bua kabamfidi mu bianza bia bamfumu ba bena Yuda. Kadi bukalenga buanyi ki mbua pa buloba to.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Bienzedi 20:29

Ndi mumanye ne: pangaya, nyama ya lonji neibuele munkatshi muenu, inyangakaje tshisumbu.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

Filipe 2:13

Bualu Mvidi Mukulu udi ukuata mudimu diba dionsu munda muenu, bua nujinge tshidiye musue, nutshikumbaje kabidi.

2 Tesalonike 1:11

Ke patudi tunulombela, katuyi tupungila. Tudi tulomba Mvidi Mukulu wetu, bua anuenze bantu bakanyine muoyi udiye munubikidile. Tudi tulomba bua akumbaje ku bukole buende bilenga bionsu binudi nuipatshila, ne malu mimpe onsu adi ditaba dienu dinusaka bua kuenza.

2 Tesalonike 1:5

Ebi bionsu bidi bileja mudi Mvidi Mukulu ukosa nsambu pa yoyi, bualu makenga onsu aa neanuakaje, bua numone mua kubuela mu Bukalenga buende budibu banukengesha.

Ebrewu 12:28

Nenku tuele Mvidi Mukulu tuasakidila, bualu tudi tupeta bukalenga budi kabuyi buzakala. Tumuele tuasakidila pa kuenzela Mvidi Mukulu mudimu udi umusankisha. Tumutumikile, tumutshine.

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

2 Petro 1:11

Ke munudi mua kubuela mu Bukalenga bua kashidi bua Mfumu wetu ne Musungidi Yezu Kristu.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.