Luke 12:20 - MUKANDA WA MYIDI MUKULU

²⁰ Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Kadi Nzambi wakamuambila ne, Wewe udi muhote, butuku ebu mene badi balomba muoyo webe; bintu biwakulongolola nebikale kudi nganyi?

Luke 12:20 ပူးပေါင်းရင်းမြစ်များ

Estere 5:11

Amane kuditambisha kumpala kuabu, bua bubanji buende, bua bana ba bungi bavuaye nabu, ne bua lumu luvua mukalenga mumupeshe. Bualu mukalenga uvua mumuteke mulombodi wa kumpala, mupite banene ba mu bukalenga bonsu, ne baludiki ba ditunga ku muanzu.

Yobe 27:8

Muntu udi kayi muitabe Mvidi Mukulu, padi Mvidi Mukulu umunyenga Mueyelu wende, udi ushala ne tshinyi?

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Misambu 49:10

Muntu udi mua kulala panu kashidi anyi? Neasokome lufu bua kamonu lukita anyi?

Misambu 73:19

Nebabutuke ku mubunyi wa disu. Lufu luabu lubi nelukuatshishe bantu bowa!

Misambu 78:30

Kabayi banji kukumbaja majinga abu, anu patshivuabu ne biakudia mukana,

Nsumuinu 10:2

Biuma bipeta ku bubi kabiena bilubuluka kudi udi nabi, kadi muntu udi uvuluka Mvidi Mukulu mu midimu yende neashale ne muoyi.

Nsumuinu 11:4

Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Nsumuinu 13:7

Bamue bantu badi badiangata bu babanji, bobu bikale bianza bitupu. Banga kabidi badi badiangata bu bapele, bobu bikale babanji.

Nsumuinu 27:1

Kuditambishi bua malu adi mua kuenzeka malaba, bualu kuena mumanye tshidi mua kuenzeka lelu.

Nsumuinu 28:8

Pikala muntu uvudija bubanji buende bualu udi usombeshangana bintu, ulomba kasombela kapite, bubanji buende nebabupete kudi muntu wa kalolu udi uvuluka bapele.

Yeshaya 56:12

Badi bamba ne: “Luayi, tuye kukeba maluvu. Netunue maluvu makole, tukuatshike. Maloba netuenze kabidi mutudi tuenza lelu emu. Bualu maluvu adi mashale adi a bungi.”

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Amosa 6:13

Nudi nusanka bua tshimenga tshia tshianana, Lodabare, tshinuvua bakuate. Nudi nuditemba ne: “Ku makanda etu nkayetu ke kutudi bakuatshile Karnayime, tshimenga tshikole tshipite.”

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Luke 11:40

Nudi bantu batatakane! Mvidi Mukulu uvua muenze panyima, ki ngudi muenze kabidi munda anyi?

1 Tesalonike 5:3

Diba diamba bantu ne: “Tudi talalaa. Bionsu bidi mu bupole,” diakamue kabutu nekabakuate, mudi makenga akuata mukaji pa lulelu. Kabakupanduka to.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Timote 6:7

Bualu katuvua balue panu ne kantu, katuakumukapu ne kantu.

Yakobe 4:14

Kanuena bamanye bidi mua kunuenzekela maloba! Bualu nudi bu dibungi dikese didi dimueneka katupa, ditenduka.