Luke 11:53 - MUKANDA WA MYIDI MUKULU

⁵³ Yezu mumane kupatuka mu nzubu amu, balongeshi ba mikenji ne Baparushe kumufikila munda bikole, kumuela nkonku ya mishindu yonsu.

Mukanda wa Nzambi Dihungila Dikulukulu ne Dihungila Dihia-dihia 2003

⁵³ Hakaluhukeye, bafundi ne Bafalese bakabanga kumunguila ne bukole, bamuambishe malu makuabo;

Luke 11:53 ပူးပေါင်းရင်းမြစ်များ

Yeshaya 9:12

Ke muvua Mvidi Mukulu munyoke bantu bende nanku. Kadi bena Izrayele, nansha bobu bamone bionsu abi, kabena bapingane kudi Mvidi Mukulu wabu to. Kabena balonda tshidi Maweja-Nangila muena bukole bonsu musue.

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yirmeya 20:10

Ndi ngunwua bantu ba bungi bangamba bibi. Badi banginyika dina: “Luzakalu miaba yonsu.” Banga badi bamba ne: “Mufundayi ku tshilumbu.” Bakuabu badi bamba ne: “Eyowa, tumufunde patoke.” Balunda banyi ba pa muoyi mene, badi bantentekela, bua kumanya ne: neatupakane anyi? Badi bamba ne: “Yeye muambe bibi, tudi mua kumukuata, kudisombuela kudiye.”

Luke 11:52

Nuenu balongeshi ba mikenji, nudi bena diakabi! Bualu nudi bumushe nsapi idibu mua kunzulula nayi tshiibi tshia muaba wa kumanya malu. Nuenu mene kanuena numubuela. Kadi nudi nukandika kabidi badi bajinga kubuelamu.

Luke 11:54

Bavua bakeba kumuteya, bua bamujikile ulongesha malu adi kaayi malelela.

Luke 20:20

Nanku kutuadijabu kutentekela Yezu. Ke kumutuminabu bantu bamueneka bu bantu ba muoyi muimpe. Kadi bantu aba bavua bakeba kuteya Yezu ku dimukonka bualu, bua bamone mua kumufila mu bianza ne ku bumfumu bua mulombodi wa buloba abu.

Luke 20:27

Basaduke bakuabu kufika kudi Yezu. (Bobu aba ke badi balongesha ne: bantu ka bena babiika ku bafue.) Kukonkabu Yezu ne:

Bienzedi 26:9

Meme kabidi mvua muele meji ne: ndi ne bua kuenza muanyi muonsu bua kuluisha Yezu wa mu Nazarete.

1 Korente 13:5

Kena upanga kanemu, kena ukeba kudisankisha, kena ufika munda, kena ne njiya.

2 Korente 8:6

Ke patuvua basengelele Tite, bua apingane kuenu aku, atungunuke ne mudimu uvuaye mushile mu njila, bua nujikije mudimu ewu ne muoyi wa kalolu.