Luke 11:44 - MUKANDA WA MYIDI MUKULU

⁴⁴ Nudi bena diakabi! Bualu nudi bu nkita idibu kabatshiyi bamona, bayidiata kabayi bamanye!”

Mukanda wa Nzambi Dihungila Dikulukulu ne Dihungila Dihia-dihia 2003

⁴⁴ Mulau ulualua kunudi, bualu hua nuenu nudi bu nkita idi kayi imueneka, bantu batu batambakenahu kabena baimanye!

Luke 11:44 ပူးပေါင်းရင်းမြစ်များ

Misambu 5:9

Maweja-Nangila, undudike bua nkumbaje tshiudi musue. Bualu baluishi badi bankengesha. Undeje njila uudi mundongoluele.

Yezekiyele 39:15

Nebendakane mu ditunga nseke yonsu. Padi umue wa kudibu usangana mifuba ya bantu, udi wela mishiki ya mabue pabuipi nayi, bua bumbudi ba mikidi bamone muaba awu, bambula mifuba ayi, baya kuyijika mu Tshibandabanda tshia bena mvita ba bungi ba Ngoge.

Osheya 9:8

Muambi, nsentedi wa bena Efrayime, Mvidi Mukulu udi nende. Kadi, badi bamuteya, miaba yonsu idiye upitshila. Mu ditunga dia Mvidi Mukulu wende, muambi udi amu umona bena lukuna.

Dibadika 19:16

Pikala muntu mu mpata, mulenge tshitalu tshia muntu uvuabu bashipe, nansha tshia muntu mudifuile, neikale ne mikiya lumingu lujima, amu bu mudi muntu mulenge mifuba ya muntu, nansha mulenge pa lukita.

Matayi 13:32

Lutete alu ndukese ku ntete yonsu. Kadi padilu lumena, ludi lukola, ludiunda, lupita mitshi yonsu. Nanku ludi luenza mutshi udi nyunyi ya kulu yibakila masua mu matamba awu.

Bienzedi 23:3

Ke Polu kumuamba ne: — Wewe muena mpala ibidi, Mvidi Mukulu neakutuute! Udi apa bua kundumbuluisha bilondeshile mikenji. Kadi wewe mene udi ushipa mikenji, wamba bua kuntuutabu!