Luke 11:40 - MUKANDA WA MYIDI MUKULU

⁴⁰ Nudi bantu batatakane! Mvidi Mukulu uvua muenze panyima, ki ngudi muenze kabidi munda anyi?

Mukanda wa Nzambi Dihungila Dikulukulu ne Dihungila Dihia-dihia 2003

⁴⁰ Nuenu bahote, muenji wa munda kena muenji wa ha nyima kabidi, anyi?

Luke 11:40 ပူးပေါင်းရင်းမြစ်များ

Genese 1:26

Mvidi Mukulu kuamba ne: “Tufuke muntu mufuanangane netu, bua ikale mfumu wa minyinyi ya mu mayi, nyunyi ya mulu, bimuna, bilandadi ne bintu bionsu bidi pa buloba.”

Genese 2:7

Maweja-Nangila Mvidi Mukulu kuangata dima, kufuka nadi mulume, kumuela mueyelu wa muoyi mu mimpempe ya diulu, mulume kushala tshifukibua tshidi tshienda ne muoyi.

Misambu 14:1

Bantu batshimbakane badi badiakuila ne: Mvidi Mukulu kenaku to. Bantu aba mbantu babi, badi benza malu mabi mapite. Nansha umue kena wenza tshidi Mvidi Mukulu musue.

Misambu 33:15

Yeye ke udi mufuke mioyi ya bantu, mumanye bionsu bidibu benza.

Nsumuinu 1:22

“Nuenu batshimbakane, nenushale amu batatakane too ne ku diba kaayi? Nuenu basekianganyi, nenunseke too ne ku diba kaayi? Nuenu bantu bapote, nenubenge kulonga malu too ne ku diba kaayi?

Nsumuinu 8:5

Nuenu batshidi batshimbakane, longayi munudi mua kupeta meji. Nuenu bapote, ikalayi ne lungenyi.

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Zekâya 12:1

Maweja-Nangila mmutume mukenji udi utangila bena Izrayele. Maweja-Nangila uvua mubalule diulu, muteke buloba pa bitaku biabu, mupeshe muntu mueyelu ne muoyi, udi wamba ne:

Dibadika 16:22

Moshe ne Arone kudiela mpala panshi, bamba ne: — Kia! Mvidi Mukulu, wewe ke udi mufuke bintu bionsu, mubipeshe muoyi. Kuena mua kufikila bantu bonsu munda bua tshilema tshia muntu umue.

Matayi 23:17

Nudi bantu batshimbakane, bampofu! Tshidi ne mushinga mupite ntshinyi? Tshiamu tshia mpawungi, peshi nzubu wa Mvidi Mukulu, udi uvuija tshiamu tshia mpawungi etshi tshia tshijila?

Matayi 23:26

Wewe Parushe, udi mpofu! Usukule bangabanga munda mua dikopu. Nanku panyima padi, nepikale pimpe kabidi.

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Luke 24:25

Nanku Yezu kubambila ne: — Nudi bantu badi kabayi mua kujingulula malu! Bidi binukolela bua kuitaba lukasa bionsu bitua bambi banumanyisha!

1 Korente 15:36

Udi mubule meji anyi? Lutete luudi ukuna ludi lutoloke amu padilu lufila.

Ebrewu 12:9

Tuvuluke batatuetu ba pa buloba! Bavua batunyoka, tuetu kubanemeka. Nenku tudi ne bua kutumikila Tatu wetu wa mu diulu bipitshidile, bua tuikale ne muoyi.