Luke 11:34 - MUKANDA WA MYIDI MUKULU

³⁴ Mesu ebe adi bu muendu wa mubidi webe. Padi mesu ebe amona bimpe, mubidi webe mujima udi patoke. Kadi pikala mesu ebe kaayi amona bimpe, mubidi webe udi mu miidima.

Mukanda wa Nzambi Dihungila Dikulukulu ne Dihungila Dihia-dihia 2003

³⁴ Disu diebe didi muinda wa mubidi webe; bikala disu diebe dimona tshintu bimpe, mubidi webe wonso neuteme ne munya; bikaladi dibi, mubidi webe wonso neufike ne mîdima.

Luke 11:34 ပူးပေါင်းရင်းမြစ်များ

Genese 19:11

Pashishe kufofomijabu mesu a bonsu bavua ku tshiibi, bansongalume ne bantu bakole, bua bapange kumona tshiibi.

Misambu 119:18

Tabaja mesu anyi, mmone malu a dikema adi mu mikenji yebe.

Misambu 81:12

Kadi bantu banyi, kabena bumvua diyi dianyi, bena Izrayele badi bambenga.

Nsumuinu 21:4

Mpala wa kapeja ne muoyi wa ditambisha ke bidi bileja bubi bua muena lonji.

Nsumuinu 28:22

Muena lukuka udi ukeba kunema lukasa, kadi kena mumanye ne: udi udikebela bupete.

Yeshaya 29:10

Bualu Maweja-Nangila neanuladike tulu tukole. Uvua munusuike tshilamba pa mesu. — Mesu enu ke bambi benu. — Mmunubuikile tshilamba mu mitu yenu. — Mitu yenu ke badi bamona malu. —

Yeshaya 42:19

Nganyi udi mpofu? Amu nuenu bantu banyi! Nganyi udi ne mapapa? Amu nuenu bandi ntuma! — Eyowa, udi mpofu, bu muntu udi Mvidi Mukulu utuma, nnganyi? Udi ne mapapa, bu muntu wa Maweja-Nangila, nnganyi?

Yeshaya 44:18

Bantu aba badi mu mitu mitupu. Kabena bajingulula tshidibu benza to. Badi ne mesu mabuikila. Kabena basue kumona bimpe. Lungenyi luabu kaluena lukeba bulelela.

Yeshaya 5:20

Bantu bonsu badi bamba bualu buimpe ne: mbubi, bamba bualu bubi ne: mbuimpe, bamba butoke ne: mmidima, bamba midima ne: mbutoke, bamba bintu bisheme ne: bidi ne bululu, bamba bidi ne bululu ne: mbisheme, mbena diakabi.

Yeshaya 6:10

Upapishe muoyi wa bantu aba, upatshishe matshi abu, ufofamije mesu abu bua mesu abu kaamonyi, bua matshi abu kaumvu, kabeedi meji a kupingana kundi, tshimonyi mua kubasungidila.

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Marke 4:12

bua ne: “Bajooja bimpe kabayi bamona tshintu, bateleja bilenga, kabayi bajingulula bualu, kadi bafuane mua kupingana kudi Mvidi Mukulu, Mvidi Mukulu kuvua kubafuila luse!”

Marke 7:22

buenji bua malu a bundu, lukuka, tshikisu, budimu, ditupa dia mikenji, lubabu lua bintu bia bende, bipendu, ditambisha ne dipanga dia lungenyi.

Marke 8:18

Nudi ne mesu, kanuena numona anyi? Nudi ne matshi kanuena numvua anyi? Kanuena bavuluke anyi?

Luke 11:35

Nanku udimuke bua butoke budi munda muebe kabuikadi miidima.

Bienzedi 13:11

Mpindiewu, teleja: Mfumu neakunyoke. Neushale mpofu, kuyi umona diba amue matuku. Diakamue mesu a Elimase kufofama. Ukadi udimona butuku, unyunguluka nseke yonsu, ukeba muntu udi mua kumulombola, mumukuate ku tshianza.

Bienzedi 2:46

Ku dituku ku dituku, bavua basangila mu nzubu wa Mvidi Mukulu ne muoyi umue, bakosolola diampa pamue mu nzubu yabu, badila pamue ne disanka, ne muoyi wa dinanga.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 11:3

Nyoka, uvua mupambule Eva ne budimu buende, ke undi ntshina. Bualu meji enu adi mua kupambuka mu njila, nuenu kulekela kunanga Kristu, kulekela kumuitaba ne muoyi umue.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

Efeze 1:17

Ndi ndomba kudi Mvidi Mukulu wa Mfumu wetu Yezu Kristu, Tatu wa butumbi, bua anupe Mueyelu wende. Wowu neunuenze bantu ba meji, unumanyishe Mvidi Mukulu, bua numujingulule bimpe.

Efeze 6:5

Bapika, tumikilayi bamfumu benu ba panu, batshinayi, banemekayi. Enzayi nanku ne muoyi umue, bu munudi mua kuenzela Kristu.

Kolose 3:22

Nuenu bapika, tumikilayi bionsu bidi bamfumu benu ba panu bamba, ki ngamu bua kubasankisha padibu banumona. Kadi tumikilayi ne muoyi mulelela, bualu nudi nunemeka Mfumu.