Luke 11:32 - MUKANDA WA MYIDI MUKULU

³² Dituku didi Mvidi Mukulu ukosa nsambu, bena Ninive nebadiwule bena lelu. Bualu bena Ninive bavua badilengeja, pavuabu bumvua muambi Yona ubalongesha. Kadi patudi apa padi muntu mupite Yona!

Mukanda wa Nzambi Dihungila Dikulukulu ne Dihungila Dihia-dihia 2003

³² Mu dituku dia kulumbulula, Bena Ninewe nebimane ne bantu ba tshikondo etshi, nebabahishe; bua bobo bakakudimuna mitshima yabo, hakuluabo mei a Yona; ne monai, udi mutambe Yona udi aha.

Luke 11:32 ပူးပေါင်းရင်းမြစ်များ

Yona 3:4

Yona mumane kuenda dituku dimue mu tshimenga tshia Ninive, uvua ukobola muaku, wamba ne: “Matuku makumi anayi mamane kupita, Ninive neabutuke.”

Yona 3:5

Nanku, bantu ba mu tshimenga atshi, kuitababu dilongesha dia Mvidi Mukulu, kujilabu biakudia, kuluatabu bonsu, bapele ne babanji, bilamba bikayapale.

Yona 4:9

Mvidi Mukulu kukonka kabidi Yona ne: — Udi ufika munda bua mutshi ewu, pa bualu anyi? Yona kuandamuna ne: — Eyowa, ndi mufike munda pa bualu, ndi mua kufua mene.

Matayi 12:39

Yezu kubandamuna ne: — Bena lelu mbantu babi, badi batombokela Mvidi Mukulu! Kadi badi amu balomba tshishima! Kadi kabena babenzela tshishima nansha. Nebabaleje amu tshishima tshia muambi Yona.

Matayi 12:41

Dituku didi Mvidi Mukulu ukosa nsambu, bena Ninive nebabike bua kufunda bena lelu ku tshilumbu. Bualu bena Ninive bavua badilengeja pavuabu bumvua dilongesha dia Yona. Kadi apa padi muntu udi mupite Yona.

Luke 11:31

Dituku didi Mvidi Mukulu ukosa nsambu, mukalenga mukaji wa mu ditunga dia kuinshi, neimane kumpala kua bena lelu, abadiwule. Bualu uvua mufume ku ditunga dia kule bua kuteleja mibelu ya meji ya kudi Shelomu. Kadi patudi apa padi muntu mupite Shelomu!

Ebrewu 7:26

Nenku Yezu udi mutuangaji munene utuvua tukengela. Udi wa tshijila. Munda muende kamuena bualu bubi nansha bumue. Kena muenze tshilema nansha tshimue. Uvua mutapuluke ne benji ba malu mabi. Kumubandishabu ku mutu kua diulu.