Luke 11:31 - MUKANDA WA MYIDI MUKULU

³¹ Dituku didi Mvidi Mukulu ukosa nsambu, mukalenga mukaji wa mu ditunga dia kuinshi, neimane kumpala kua bena lelu, abadiwule. Bualu uvua mufume ku ditunga dia kule bua kuteleja mibelu ya meji ya kudi Shelomu. Kadi patudi apa padi muntu mupite Shelomu!

Mukanda wa Nzambi Dihungila Dikulukulu ne Dihungila Dihia-dihia 2003

³¹ Mu dituku dia kulumbulula, mukelenge mukashi wa ku sude neabike ne bantu ba tshikondo etshi, neabahishe; bua yeye wakalua biandi kunfudilu kua buloba bualu bua kunvua lungenyi lua Solomo; ne monai, udi mutambe Solomo udi aha.

Luke 11:31 ပူးပေါင်းရင်းမြစ်များ

2 Kulondolola 9:1

Mukalenga mukaji wa mu ditunga dia Saba kumvua lumu lua Shelomu. Nanku kuyaye mu Yerushalayime bua kujadika muvua lungenyi lua Shelomu, ne kumuela nkonku mikole. Mukalenga mukaji awu, kufika mu Yerushalayime ne tshisumbu tshinene tshia bantu bende. Uvua kabidi ne nyama ya tumelu miambule manananshi, tshiamu tshia mpawungi kilo mivule, ne mabue a mushinga mukole. Kufikaye kudi Shelomu, kumuela nkonku yonsu ivuaye mumane kulongolola.

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yirmeya 3:11

Maweja-Nangila kuamba kabidi ne: — Izrayele, muena tshiendenda, udi umueneka bu muimpe pa kumufuanyikija ne Yuda ntomboji.

Matayi 12:42

Dituku didi Mvidi Mukulu ukosa nsambu, mukalenga mukaji wa mu ditunga didi kuinshi, neabike bua kufunda bena lelu ku tshilumbu. Bualu yeye uvua mumuke ku ndekelu kua buloba, bua kuvua kuteleja miaku ya Shelomu ya meji. Kadi apa padi muntu udi mupite Shelomu!

Luke 3:22

Mueyelu wa Tshijila kumutulukila ne mubidi bu wa nyunyi wa nkudimba. Ke diyi kumvuika mu diulu ne: — Wewe udi muananyi munanga. Ndi ne disanka bualu buebe.

Luke 9:35

Diyi kumvuika ku divuba, diamba ne: — Ewu mmuananyi umvua musungule, numuteleje!

Rome 2:27

Muntu udibu kabayi bateke panshi mu mubidi wende, kadi udi ukumbaja mikenji, neakulumbuluishe wewe udi kuyi ukumbaja mikenji, nansha wewe mumanye mikenji ivuabu bafunde, nansha bamane kukuteka panshi mene.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.