Luke 11:15 - MUKANDA WA MYIDI MUKULU

¹⁵ Kadi bantu bakuabu bavua bamba ne: — Belzebule mfumu wa mikishi mibi, ke udi upesha muntu awu bukole bua kuipata mikishi mibi eyi!

Mukanda wa Nzambi Dihungila Dikulukulu ne Dihungila Dihia-dihia 2003

¹⁵ Kadi bakuabo bakamba ne, Yeye udi umusha bademon mu dina dia Belezebula, mukelenge wa bademon.

Luke 11:15 ပူးပေါင်းရင်းမြစ်များ

Matayi 10:25

Mbimpe mulongi ikale bu mulongeshi wende, muena mudimu bu mfumuende. Pikalabu binyika mfumu wa diku ne: Belzebule nanku bena diku mene nebabinyike mena mapite bubi.

Matayi 12:22

Diba adi kufikabu kudi Yezu ne muntu, muikale mpofu kabidi kamama, bualu uvua ne mukishi mubi munda. Yezu kujikija masama ende. Nanku muntu awu kutuadija kuakula, ne kumona kabidi.

Matayi 4:24

Mu ditunga dijima dia Siriya, kutuadijabu kuyukidilangana bualu bua Yezu. Bavua bafika kudiye ne bantu bonsu bavua kabayi bumvue bimpe, bikale ne masama ne ntatu bishilangane. Munkatshi muabu muvua bavuabu bakuate kudi diabolu, bena tshiseke, ne bena tuneke. Yezu uvua ujikija masama abu onsu.

Matayi 9:34

Kadi Baparushe kuamba ne: — Muntu ewu udi wipata mikishi mibi ayi, bualu mmupete bukole kudi mfumu wa mikishi mibi!

Yowanane 10:20

Ba bungi ba munkatshi muabu bavua bamba ne: — Udi ne mukishi mubi munda! Mmupale! Nudi numuteleja bua tshinyi?

Yowanane 7:20

Bantu kumuandamuna ne: — Udi ne mukishi mubi munda muebe! Udi ukeba kukushipa nnganyi?

Yowanane 8:48

Bena Yuda kuandamuna Yezu ne: — Tuvua tuambilamu ne: udi muena Samariya, kabidi ne: udi ne mukishi mubi munda muebe.

Yowanane 8:52

Bena Yuda kumuandamuna ne: — Mpindiewu tudi tujadika ne: udi ne mukishi mubi munda! Abrahame kufua, bambi kabidi. Kadi wewe udi wamba ne: “Muntu udi ukumbaja bindi ngamba katshia kena ufua to.”