Luke 10:9 - MUKANDA WA MYIDI MUKULU

⁹ Nujikijile babeedi badimu masama abu. Nubambile ne: “Bukalenga bua Mvidi Mukulu bukadi pabuipi nenu.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ nuondahe bena mabedi badimu, nubambile ne, Bukelenge bua Nzambi buakulua ha buihi nʼenu.

Luke 10:9 ပူးပေါင်းရင်းမြစ်များ

Danyele 2:44

“Mu matuku adi bakalenga aba mu bumfumu, Mvidi Mukulu wa mu diulu neajule bukalenga bukuabu budibu kabayi mua kubutula nansha musangu umue. Tshisamba tshikuabu katshiena mua kuangata bukalenga abu nansha. Bukalenga abu nebubutule makalenga onsu adi mabudianjidile. Nebuashidishe, kadi bobu nebujalame kashidi.

Matayi 3:2

wamba ne: — Kudimunayi mioyi yenu, bualu Bukalenga bua mu diulu budi pabuipi!

Matayi 4:17

Biangatshile tshikondu atshi, Yezu kutuadija kulongesha bantu, wamba ne: — Kudimunayi mioyi yenu, bualu Bukalenga bua mu diulu bukadi pabuipi.

Marke 4:30

Yezu kuamba ne: — Tudi mua kufuanyikija Bukalenga bua Mvidi Mukulu ne tshinyi? Tudi mua kubuamba bufuanangane ne lusumuinu kaayi?

Marke 6:13

Bavua bipata mikishi mibi ya bungi, balaba babedi ba bungi manyi, bajikija masama.

Luke 10:10

Kadi nuenu babuele mu tshimenga, bantu babenga kunuakidila, nuendakane mu misesu yatshi, nuambe ne:

Luke 10:11

“Tudi tunutuila lupuishi lua mu tshimenga tshienu luvua lubakuate ku makasa. Kadi numanye amu ne: Bukalenga bua Mvidi Mukulu bukadi bumane kusemena pabuipi nenu.”

Luke 9:2

Kubatumaye bua baye kulongesha malu a Bukalenga bua Mvidi Mukulu, ne bua bajikijile babeedi masama.

Yowanane 3:3

Yezu kumuandamuna ne: — Ndi nkuambila bulelela ne: muntu nansha umue kena mua kumona Bukalenga bua Mvidi Mukulu kabayi bamulele tshiakabidi.

Yowanane 3:5

Yezu kuandamuna ne: — Ndi nkuambila bulelela ne: muntu nansha umue kena mua kubuela mu Bukalenga bua Mvidi Mukulu kabayi bamulele ku mayi ne ku Mueyelu wa Tshijila.

Bienzedi 28:28

Ndi nnuambila ne: Mvidi Mukulu mmutumine bantu ba bisamba bikuabu mukenji wa lupandu, bualu bobu nebauteleje! [

Bienzedi 28:31

Uvua umanyisha malu a Bukalenga bua Mvidi Mukulu, ulongesha ne muoyi mukole, bidi bitangila Mfumu Yezu Kristu, kabayi bamukandika.