Luke 10:7 - MUKANDA WA MYIDI MUKULU

⁷ Nushale mu nzubu awu, nudie, nunue bianupeshabu. Bualu muena mudimu badi ne bua kumufuta. Kanusambi nzubu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Nushale mu nsubu amu mene, nudie nunue bidibo banuha; bualu bua muena mudimu udi muakanyine bua kuangateye difutu diandi. Kanutambakanyi ku nsubu ne ku nsubu.

Luke 10:7 ပူးပေါင်းရင်းမြစ်များ

Dibadika 18:31

Nudi mua kudia bintu ebi miaba yonsu. Nudi mua kubidia ne bena meku enu bonsu, bualu ndifutu dia ku mudimu unudi nungenzela mu ntenta wa kusambakena.

Marke 6:10

Yezu kubambila kabidi ne: — Panuafika mu tshimenga, nushale mu nzubu mudibu banubikila amu too ne panudi numuka muaba awu.

Luke 10:6

Pikala muntu wa bupole usombamu, bupole buenu nebushale kudiye. Kadi pikala muntu wa bupole kayimu, bupole buenu nebupingane kunudi.

Luke 9:4

Muaba onsu wanuakidilabu, nusombe mu nzubu umue awu, too ne diba dinudi numuka mu musoku awu.

Bienzedi 16:15

Kumutuabu mu mayi, yeye ne nzubu wende mujima. Pashishe kutulombaye ne: — Panuikala bamone ne: ndi ngitaba Mfumu menemene, nuvua kusomba kuanyi. Kutusengelelaye bikole. Tuetu kushisha kuitaba.

Bienzedi 16:34

Mulami kuya ne Polu ne Silase kuende, kubalambishila biakudia. Yeye ne bonsu ba mu nzubu muende bavua ne disanka divule, bualu mpindiewu bavua bitaba Mvidi Mukulu.

Bienzedi 16:40

Polu ne Silase bamane kupatuka mu nzubu wa lukanu, kuyabu kua Lidiya. Kumonanganabu ne bena ditaba, kubakoleshabu ku muoyi, kulayanganabu nabu.

Ngalate 6:6

Muntu udibu balongesha Lumu lua Disanka, udi ne bua kuabanyangana bintu biende ne udi umulongesha.

Dielulula 12:12

Muaba wa Maweja-Nangila Mvidi Mukulu wenu awu, nenusanke bonsu, nuenu, bana benu ne bena mudimu benu. Kabidi bena Levi, badi basa mu bimenga bienu, kabayi ne wabu muaba wa kuasa munkatshi muenu, nebasanke pabu.

Dielulula 18:8

Muena Levi awu, neapete biakudia bungi budi bena Levi bakuabu bapeta. Udi mua kulama kabidi bintu bidi bena diku diabu bamutumina, padibu basumbisha bivuaye nabi.

1 Timote 5:13

Kabidi bakadi bapeta tshibidilu tshia kuendakana ku nzubu ku nzubu, kujimija diba. Tshidi tshipite bubi: badi badienza bena biakulakula ne bena biambamba. Badi bakula malu adi kaayi abatangila.

2 Timote 2:6

Tshidime udi ukuata mudimu mukole, ke udi udianjila kunowa bia mu budimi.