Luke 10:42 - MUKANDA WA MYIDI MUKULU

⁴² Kadi kudi bualu bumuepele bunudi nukengela. Mariya mmusungule tshidi tshipite buimpe, tshidibu kabayi mua kumunyenga.

Mukanda wa Nzambi Dihungila Dikulukulu ne Dihungila Dihia-dihia 2003

⁴² tudi anu ne tshintu tshimue bualu; Malia wakusungula luseke ludi luimpe, kabena bamanye mua kumunyengalu.

Luke 10:42 ပူးပေါင်းရင်းမြစ်များ

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:173

Tshianza tshiebe tshingambuluishe, bualu ndi musungule mikenji yebe.

Misambu 119:30

Ndi muanyishe bua kukulamata, ndi mulonde mapangadika ebe.

Misambu 142:5

Tangila ku nseke yanyi, umone: kakuena muntu udi undama, tshitshiena kabidi ne muaba wa kusokomena, kakuena muntu udi utangila buanyi bualu.

Misambu 17:15

Meme nenkumone, bualu tshivua muenze bibi. Pangabika, nenkutangile, kabiyi bintonda!

Misambu 27:4

Tshimue tshindi njinga menemene, ndomba kudi Maweja-Nangila, se nkusomba mu nzubu wende matuku anyi onsu, nkutumbisha bilenga bidiye mungenzele, nkumanya tshidiye musue.

Misambu 73:25

Mu diulu udi mua kungambuluisha nnganyi? Ki ngwewe nkayebe anyi? Panu panshi tshindi mua kujinga kabidi ntshinyi? Wewe ke undi nende.

Muambi 12:13

Kadi nkomenu wa malu onsu atuvua bafunde udi nunku: Muntu yonsu udi ne bua kunemeka Mvidi Mukulu, kutumikila meyi ende.

Marke 8:36

Pikala muntu upeta bintu bionsu bia panu pa buloba, ujimija muoyi wende, bidi mua kumuambuluisha ku tshinyi?

Luke 10:39

Mukaji awu uvua ne muanabu, diende Mariya. Ke Mariya kuya kusomba ku makasa a Mfumu, uteleja bivuaye ulongesha.

Luke 11:1

Dituku dikuabu Yezu uvua utendelela muaba kampanda. Ujikija, umue wa ku balongi bende kumuebeja ne: — Mfumu, ubilongeshe mutudi mua kutendelela, muvua Yowanane mulongeshe balongi bende.

Luke 12:20

Kadi Mvidi Mukulu kumuambila ne: “Udi muntu mutshimbakane! Butuku ebu neufue! Kadi bintu biuvua mudilamine, nebishale bia nganyi?”

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Luke 16:2

Nanku muena biuma kubikila muntu awu, umukonka ne: “Bualu bundi ngumvua bakuamba ebu budi bishi? Badika bintu bianyi bionsu, bualu kuakundamina kabidi bintu to.”

Luke 16:25

Kadi Abrahame kumuandamuna ne: “Muananyi, vuluka ne: uvua mupete biuma bia bungi, pautshivua ne muoyi panu. Diba adi Lazare uvua ne makenga mavule. Mpindiewu badi bamusamba munemu, kadi wewe udi mu dikenga.

Luke 18:22

Nanku Yezu kumuambila ne: — Bualu bumue butshidi bukushale: pana bionsu biudi nabi, wabanyine bapele makuta. Nanku newikale ne bubanji mu diulu. Pashishe Ulue, undonde meme.

Luke 8:18

Nuikale ne ntema, nuteleje bimpe! Bualu udi ne tshintu, neapete bipite. Kadi udi kayi natshi, nebamunyenge bikese bidiye wela meji ne: ndi nabi.

Yowanane 11:1

Kuvua muntu usama, diende Lazare. Uvua musombe mu Betanya, musoku uvua Mariya ne muanabu wa bakaji Marte basomba kabidi.

Yowanane 11:19

Bena Yuda ba bungi bavua balue kusamba Marte ne Mariya bua lufu lua muanabu.

Yowanane 12:3

Mariya kuangata tshia bibidi tshia litre wa manananshi a mushinga mukole, avuabu kabayi basambakaja ne tshintu tshikuabu to. Kuelaye Yezu ku makasa. Pashishe kuakupulaye ne nsuki yende. Nzubu mujima kuwula ne mupuya wa manananshi.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 4:14

Kadi wanua mayi andi mmupesha meme, kakumvua kabidi nyota tshiendelele. Bualu mayi andi umupesha, neenze munda muende mpokolu wa muoyi wa tshiendelele.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Yowanane 6:27

Kanukuatshi mudimu bua biakudia bidi binyanguka. Kadi nuenze mudimu bua biakudia bidi bishala, bifikisha bantu ku muoyi wa kashidi. Muana wa muntu neanupe biakudia abi, bualu Mvidi Mukulu Tatu mmumutue tshitampi tshia bumfumu buende.

1 Korente 13:3

Nansha meme muabanyangane bintu bianyi bionsu, nansha meme mufile mubidi wanyi bua bangoshe, meme tshiyi ne dinanga, kabiena bingenzela tshintu.

Ngalate 5:6

Patudi badisange ne Kristu, nansha batuteke panshi, nansha kabayi batuteke, kabiena ne bualu. Tshikole tuitabe, tuleje ditaba dietu mu nsombelu wetu mujima pa kunangangana.

Dielulula 30:19

Nanku ndi nnujadikila lelu kumpala kua diulu ne buloba ne: nusungule tshinudi basue: ndi nteka muoyi ne diakalenga luseke, lufu ne diakabi lukuabu. Mbimpe nusungule muoyi, bua nushale bena diakalenga, nuenu ne ndelanganyi yenu.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Yoshua 24:22

Yoshuwa kubambila ne: — Nuenu nkayenu nudi badijadikile bualu ebu. Nuenu nkayenu nudi basungule bua kuenzela Maweja-Nangila mudimu. Bena Izrayele kuitaba ne: — Eyowa, tudi badijadikile bualu ebu nkayetu.