Luke 10:28 - MUKANDA WA MYIDI MUKULU

²⁸ Ke Yezu kumuambila ne: — Udi muandamune bimpe. Enza nanku, newikale ne muoyi.

Mukanda wa Nzambi Dihungila Dikulukulu ne Dihungila Dihia-dihia 2003

²⁸ Yesu wakamuambila ne, Wewe wakuandamuna banue; enza biebe nunku, newikale ne muoyo.

Luke 10:28 ပူးပေါင်းရင်းမြစ်များ

Nehemya 9:29

Pashishe, wewe kubabela bua bapingane kuudi. Kabavua bitabe mikenji yebe. Kadi bavua buwule ne ditambisha, babenga mikenji yebe ne meyi ebe. Badi batumikila meyi ebe ke badi bapeta muoyi. Kadi bobu kukutombokela, kubenga kukuteleja.

Nsumuinu 19:16

Muntu udi unemeka mikenji neashale ne muoyi. Udi uyipetula neafue lukasa.

Yezekiyele 20:11

Mvua mubalongeshe meyi ne mikenji bi-mvua muele bua bantu bonsu badi babilonda bikale ne muoyi.

Yezekiyele 20:13

Kadi bena Izrayele bavua bantombokela mu tshipela. Bavua balengulula mikenji yanyi. Bavua bapepeja meyi anyi adi afikisha muntu udi walama ku muoyi. Bavua banyange bikole dituku dia Dikisha. Nanku meme kuela meji tshiakabidi a kubajikijila tshiji tshianyi mu tshipela bua kubabutula.

Yezekiyele 20:21

Kadi bana babu kabidi bavua bantombokela. Kabavua bakumbaje mikenji yanyi. Kabavua balame meyi anyi adi afikisha muntu udi walama ku muoyi. Bavua banyanga dituku dia Dikisha. Diba adi, mvua mujadike ne: nembanyoke ne tshiji. Ndi musue kubajikijilatshi mu tshipela.

Lewitiki 18:5

“Nulame mikenji yanyi ne meyi anyi. Muntu udi ubikumbaja, nebimupeteshe muoyi. Bualu ndi Maweja-Nangila.

Matayi 19:17

Yezu kumuebeja ne: — Udi unkonka bua kumanya bualu budi buimpe bua tshinyi? Udi muimpe udi amu umue. Pawikala musue kupeta muoyi kudiye, itaba ku mikenji yende.

Marke 12:34

Yezu umona ne mmuandamune ne lungenyi, kumuambilaye ne: — Wewe udi pabuipi ne bukalenga bua mu diulu. Abi bimane kuenzeka, muntu nansha umue kavua ne dikima dia kumuela lukonku kabidi nansha.

Luke 7:43

Simone kumuandamuna ne: — Ndi ngela meji ne: uvuaye mutekele dibanza dinene. Ke Yezu kumuandamuna ne: — Udi muambe anu bimpe.

Rome 10:4

Bualu Kristu mumane kufika. mikenji ya Moshe kayena kabidi njila wa kuya kudi Mvidi Mukulu to. Nanku mpindiewu badi Mvidi Mukulu ubingisha, ke bonsu badi bitaba.

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Rome 7:10

Ke meme kufua. Meyi ne mikandu bivua ne bua kumpetesha muoyi. Kadi kumfikishabi ku lufu.

Ngalate 3:12

Kadi mikenji kayena ifuma kudi ditaba. Apu Mikanda ya tshijila idi yamba ne: “Muntu udi ukumbaja mikenji neikale ne muoyi kudiyi.”

Dielulula 6:24

Ke Maweja-Nangila kutuambila bua tukumbaje meyi ne mikenji biende bionsu. Patudi tumunemeka, netuikale bena diakalenga diba dionsu, netushale ne muoyi, bu mutudi nawu mpindiewu.