Luke 1:58 - MUKANDA WA MYIDI MUKULU

⁵⁸ Nanku bena mutumba ne balela ba Elisabete bamona ne: Maweja-Nangila mmumuenzele bimpe bitambe, kusankabu nende pamue.

Mukanda wa Nzambi Dihungila Dikulukulu ne Dihungila Dihia-dihia 2003

⁵⁸ Bakuandi ne bena tshiota tshiandi bakunvua ne, Nzambi wakumuvudishila luse luandi: bakasanka nʼandi.

Luke 1:58 ပူးပေါင်းရင်းမြစ်များ

Genese 19:19

Ukadi mumane kumfuila luse, nangananga paudi mumpatule mu tshimenga etshi bua kumpandisha. Kadi meme tshiena mua kufika ku mukuna, diakabi adi kadiyi dianji kunkuata, bualu kuaka nkupite bule. Ndi mua kufuila mu njila.

Genese 21:6

Sara kusanka wamba ne: — Mvidi Mukulu mmunsekeshe. Nanku bonsu bumvue batela Izake nebaseke pamue nanyi.

Misambu 113:9

Udi upesha mukaji udi kayi mulele nzubu, umupa disanka dia mamu wa bana. Tumbishayi Maweja-Nangila, Aleluya!

Nsumuinu 23:25

Usankishe tatuebe ne mamuebe nanku. Mamuebe apetele diakalenga adi kuudi.

Luke 1:14

Neusanke bikole bualu buende. Bantu ba bungi kabidi nebikale ne musangelu bua diledibua dia muana ewu.

Luke 1:25

“Maweja-Nangila mmungambuluishe; mmunjikije mpindiewu bundu buvua bungenza ku mesu a bantu.”

Luke 1:57

Tshikondu tshivua Elisabete ne bua kulela kukumbanatshi. Kulelaye muana wa balume.

Luke 14:12

Pashishe Yezu kuambila uvua mumubikile ne: — Diba diudi upa bantu biakudia bia dinda, nansha bia munda munya, lekela kubikila balunda bebe, bana benu, nansha bena mutumba nebe babanji. Bualu bobu badi mua kukubikila pabu. Nanku nebakupingajile biuvua mubapeshe abi.

Rome 12:15

Sankayi ne badi basanka, nudile ne badi badila.

1 Korente 12:26

Padi tshidimba tshia mubidi tshimue tshisama, bidimba bionsu bidi bisama pamue natshi. Padibu batumbisha tshidimba tshimue, bidimba bikuabu bionsu bidi bisanka pamue natshi.