Luke 1:36 - MUKANDA WA MYIDI MUKULU

³⁶ Muanenu Elisabete, nansha mudiye tshikunda, udi pende ne difu dia muana wa balume. Dikadi mpindiewu dia ngondu isambombu. Eku bavua bamuamba ne: kena mua kulela.

Mukanda wa Nzambi Dihungila Dikulukulu ne Dihungila Dihia-dihia 2003

³⁶ Mona, Elisabeta, mukashi wa mu tshiota tshienu, yeye kabidi, wakuimita difu dia muana mulume ku bununu buandi; bakadi bamuamba ne, Udi nkumba, kadi ngondo eu nguandi muisambombo.

Luke 1:36 ပူးပေါင်းရင်းမြစ်များ

Genese 11:30

Kadi Sarayi uvua nkumba.

Genese 16:1

Sarayi, mukaji wa Abrame, kavua mulele muana to. Kadi uvua ne mupika wende, nsongakaji wa bena Ejipitu, dina diende Agare.

Genese 18:11

Abrahame ne Sara bakavua bakole bakulakaje, Sara mumane kupita diba dia buledi, katshiyi umona tshijila tshia bakaji.

Genese 21:2

Sara kuimita, kulelela Abrahame muana wa ku bukunda, mu tshikondu tshivua Mvidi Mukulu mujadike.

2 Bakalenga 4:17

Mukaji awu, kuimita difu. Tshidimu tshikuabu, anu tshikondu tshia mumue atshi, kulelaye muana wa balume muvua muambi Elisha mumuambile.

Muambi 3:2

Kudi tshikondu tshidibu bakulela, ne tshikondu tshia kufua, tshikondu tshia kukuna biakudia ne tshikondu tshia kubipola.

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Luke 1:37

Bualu kakuena tshidi mua kukolela Mvidi Mukulu.

Luke 1:5

Tshikondu tshivua Erode mukalenga wa ditunga dia Yudeya, kuvua mutuangaji, dina diende Zekarya. Uvua wa mu tshisumbu tshia batuangaji tshia Abiya. Mukajende uvua wa ku ndelanganyi ya mutuangaji munene Arone. Dina diende divua Elisabete.

Ebrewu 11:11

Amu bua ditaba, Abrahame kupeta bukole bua kulela, nansha mukavuaye mukulakaje. Sara kabidi kavua mua kulela to. Abrahame uvua mushindike ne: Mvidi Mukulu neakumbaje bivuaye mulaye.