Luke 1:35 - MUKANDA WA MYIDI MUKULU

³⁵ Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

³⁵ Muanjelo wakamuandamuna ne, Nyuma Muimpe nealue kûdi, ne bukole bua Udi Mutambe Bunene wa mu diulu nebukubuikile bu ditutu; nebidike muana wa tshijila uwalela ne, Muana wa Nzambi.

Luke 1:35 ပူးပေါင်းရင်းမြစ်များ

Yobe 14:4

Kudi muntu udi mua kupatula tshintu tshidi ne mikiya ku tshintu tshidi katshiyi ne mikiya anyi? Nansha kakese!

Yobe 15:16

Kadi muntu udi muena buenzayi, matuku onsu udi wenza malu mabi, anu bu mudiye unua mayi ku dituku ku dituku.

Yobe 25:4

Muntu udi mua kubinga kumpala kua Mvidi Mukulu anyi? Muntu wa pa buloba udi mua kuikala muakane kumpala kua Mvidi Mukulu anyi?

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Misambu 51:5

Ndi mumanye mundi mukutombokele. Ndi muvuluke bubi buanyi diba dionsu.

Matayi 1:18

Bavua balela Yezu Kristu mushindu ewu. Mamuende Mariya uvua mubangila kudi Yozefe. Kadi kayi muanji kuya kudi bayende, kudimonaye muikale ne difu ku bukole bua Mueyelu wa Tshijila.

Matayi 1:20

Kadi patshivuaye wela meji awu, mutumibue wa Maweja-Nangila kumumuenekela mu tshiota, umuambila ne: — Yozefe, muana wa Davide, kutshinyi kuangata mukajebe Mariya, bualu difu didiye nadi ndia ku bukole bua Mueyelu wa Tshijila.

Matayi 14:33

Nanku balongi bavua mu buatu kutuila Yezu binu panshi, bamba ne: — Udi Muana wa Mvidi Mukulu bulelela!

Matayi 27:54

Mulombodi wa basolayi muena Rome, ne basolayi bende bavua balame Yezu pamue nende, bamona muvua buloba buzakala, ne bionsu bitua bienzeka, kutshinabu bikole, bamba ne: “Muntu ewu utua Muana wa Mvidi Mukulu bulelela!”

Matayi 4:3

Diabolu kusemena kudiye, umuambila ne: — Pawikala Muana wa Mvidi Mukulu, ambile mabue aa andamuke mampa.

Marke 1:1

Mukanda ewu udi mbangilu wa Lumu lua Disanka lua Yezu Kristu, Muana wa Mvidi Mukulu.

Marke 1:24

— Wewe Yezu wa mu Nazarete, udi musue kutuenzela tshinyi? Udi mulue kutubutula anyi? Ndi mumanye bimpe ne: udi wa Tshijila, Mvidi Mukulu mmukutume!

Luke 1:27

Mutumibue awu uvua ne mukenji wa kuambila nsongakaji, dina diende Mariya. Nsongakaji awu uvua mubangila kudi Yozefe, muntu wa ku ndelanganyi ya mukalenga Davide.

Luke 1:34

Mariya kukonka mutumibue ne: — Bualu ebu nebuenzeke munyi? Bualu ntshidi kamama.

Luke 1:36

Muanenu Elisabete, nansha mudiye tshikunda, udi pende ne difu dia muana wa balume. Dikadi mpindiewu dia ngondu isambombu. Eku bavua bamuamba ne: kena mua kulela.

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Rome 1:4

kadi ku bukole bua Mueyelu wa Tshijila uvua umueneka Muana wa butumbi wa Mvidi Mukulu, pavuabu bamubisha ku lufu.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Efeze 2:3

Bonsu buetu tuvua benze anu bu bobu. Tuvua tulonda amu majinga etu mabi. Tuvua tukumbaja amu bivua mubidi wetu, ne meji etu, bijinga. Nanku tuvua amu ne bua kupeta dinyoka kudi Mvidi Mukulu, bu bantu bakuabu bonsu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.