Luke 1:11 - MUKANDA WA MYIDI MUKULU

¹¹ Ke mutumibue wa Maweja-Nangila kumuenekela Zekarya. Mutumibue uvua muimane ku dia balume dia tshilambuilu tshia musenga wa kamonya.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Muanjelo wa Mukelenge wakamueneka kudiye, muimane ku tshianza tshia balume tshia tshioshelu tshia mananashi.

Luke 1:11 ပူးပေါင်းရင်းမြစ်များ

Lewitiki 16:13

Muaba awu kumpala kua Maweja-Nangila, neele musenga wa manananshi mu mbabula. Muinshi wa manananshi awu, neubuikile mushete wa ndondu ne tshibuikidiji tshiawu. Nanku Arone kakufua to.

Luke 1:19

Ke mutumibue kumuandamuna ne: — Meme ndi Ngabriyele. Ndi ngimana kumpala kua Mvidi Mukulu bua kumuenzela mudimu. Yeye mmuntume bua kuyukidilangana nebe, ne kukumanyisha Lumu elu lua Disanka.

Luke 1:28

Mutumibue kubuela mu nzubu mua nsongakaji, umuamba ne: — Sankaku. Maweja-Nangila mmukutokele munda bikole. Mvidi Mukulu udi nebe.

Luke 2:10

Kadi mutumibue kubambila ne: — Kanutshinyi to. Ndi munutuadile Lumu lua Disanka luasankisha bantu bonsu bikole:

Luke 2:9

Mutumibue wa Maweja-Nangila kubamuenekela. Butumbi bua Maweja-Nangila kubela munkatshi ne bukenke bunene. Balami kutshina bikole.

Bienzedi 5:19

Kadi butuku, mutumibue wa Mfumu kunzulula biibi bia nzubu, kupatula bapostolu, ubambila ne:

Ebrewu 1:14

Batumibue ba Mvidi Mukulu mene mbanganyi? Buonsu buabu mmieyelu idi yenzela Mvidi Mukulu mudimu. Bobu ke badiye utuma bua kuambuluisha badi ne bua kupeta lupandu.

Didimanyisha 9:13

Pashishe mutumibue muisambombu kuela mpungi. Meme kumvua diyi dipatukila ku matumba anayi a tshilambuilu tshia mpawungi tshidi kumpala kua Mvidi Mukulu.

Balombodi 13:3

Dituku dikuabu, mutumibue wa Maweja-Nangila kumuenekela mukaji awu, umuambila ne: — Ndi mumanye ne: kuena mulele, udi nkumba. Kadi newimite difu, neulele muana wa balume.

Balombodi 13:9

Mvidi Mukulu kuitaba dilomba dia Manowa. Mutumibue wa Mvidi Mukulu kumuenekela kabidi mukaji mu budimi. Bayende wa mukaji kavuapu to.