Lewitiki 9:3 - MUKANDA WA MYIDI MUKULU

³ Pashishe wambile bena Izrayele, bafile pabu mbuji wa mpumbu kudi Maweja-Nangila bu mulambu wa kukobolola nawu bantu. Bafile kabidi muana wa ngombe mulume, kabidi ne muana wa mukoku wa tshidimu tshimue, kayi ne bulema, bua kubilambula Maweja-Nangila bu mulambu wa kuosha.

Mukanda wa Nzambi Dihungila Dikulukulu ne Dihungila Dihia-dihia 2003

³ Wambile Bena Isalele ne, Nuangate mpumbu wa mbushi bu mulambu wa kubuikila nʼau bubi, nusungulule kana ka ngombe ne kana ka mukoko bia tshidimu tshimue, bidi kabiyi ne tshitema, bu mulambu wa kuosha ha kahia,

Lewitiki 9:3 ပူးပေါင်းရင်းမြစ်များ

Genese 37:31

Bana babu ne Yozefe kutua tshinkutu tshia Yozefe mu mashi a mbuji wa mpumbu uvuabu bakose muminu.

Ezela 10:19

kuditshipabu bua kulekela bakaji babu, ne kufuta mukoku wa tshimpanga bua mulambu wa kulomba luse kudi Mvidi Mukulu;

Ezela 6:17

Mu tshibilu atshi, bavua balambula nyama ya ngombe milume lukama, mbuji ya mikoku ya bimpanga nkama ibidi, bana ba mikoku nkama inayi, kabidi ne mbuji ya mpumbu dikumi ne ibidi, mbuji umue uvua mufume ku tshisamba tshionsu tshia bena Yuda, bua Mvidi Mukulu afuile bena Izrayele bonsu luse.

Ekesode 12:5

Muana wa mukoku nansha muana wa mbuji awu ikale wa tshidimu tshimue, kayi ne tshilema pambidi, kabidi anu mulume wa nyama.

Yeshaya 53:10

Kadi Maweja-Nangila uvua muanyishe muena mudimu wende uvuabu bakengeshe. Bu nuwuaye mufile muoyi wende pa mutu pa bantu bakuabu, muena mudimu awu neapete muoyi tshiakabidi, neikale ne ndelanganyi mivule, neashale matuku mavule pa buloba. Yeye ke wakumbaja meji adi Maweja-Nangila nawu.

Lewitiki 10:16

Moshe uvua musue kumanya tshivuabu benza ne mbuji wa mpumbu wa mulambu wa kukobolola nawu bantu. Kumuambilabu ne: “Mbuji wa mpumbu awu, mbamane kumuosha pa tshilambuilu kudi Elazare ne Itamare, bana ba Arone bavua bashale ne muoyi.” Ke kubafikilaye munda. Kubakonkaye ne:

Lewitiki 12:6

“Nanku padi matuku a kudilongolola ku buvyele akumbana, bua muana wa balume, nansha bua wa bakaji uvuaye mulele, mukaji awu aye kudi mutuangaji, imanyine ku mushiku wa mbelu wa ntenta wa kusambakena. Amupeshe muana wa mukoku wa tshidimu tshimue bua aulambule Maweja-Nangila, bu mulambu wa kuosha. Neamupeshe kabidi nkudimba nansha kamanda-nkutshi bu mulambu wa kukobolola nawu bantu.

Lewitiki 14:10

“Dituku dia muanda mukulu, muena nsudi awu, afile bana ba mikoku babidi badi kabayi ne bulema, ne lukungulu lua mukoku lua tshidimu tshimue kaluyi bulema. Afile kabidi kilo tshitema ya bukula bua mulambu busambakaja ne mafuta, ne tshitupa tshia litre tshia makuabu mafuta.

Lewitiki 16:15

Pashishe neakose muminu wa mbuji wa mpumbu bua mulambu wa kukobolola nawu bantu. Angata mashi a mbuji awu, aye nawu muaba wa tshijila menemene, panyima pa tshilamba tshidi tshilembeleja. Aamiamine pa tshibuikidiji tshia mushete ne kumpala kua mushete, bu nuwuaye muenze ne mashi a ngombe mulume.

Lewitiki 16:5

Bena Izrayele nebamupe mbuji ibidi ya mpumbu ya mulambu wa kukobolola nawu bantu, ne mukoku wa tshimpanga umue bua mulambu wa kuosha.

Lewitiki 23:12

Anu dituku adi, nenundambule kabidi mulambu wa kuosha wa muana wa mukoku wa tshidimu tshimue, udi kauyi ne bulema.

Lewitiki 4:23

Padiye umanya bualu bubi buvuaye muenze abu, adikobolole, alambule Maweja-Nangila mbuji wa mpumbu udi kayi bulema.

Lewitiki 4:3

“Padi mutuangaji munene muenze bualu bubi, budi butampakena bena Izrayele bonsu, udi ne bua kudikobolola. Alambule Maweja-Nangila ngombe mulume, udi kayi ne bulema, bua Maweja-Nangila amufuile luse.

Lewitiki 9:2

Kuambilaye Arone ne: — Angata muana wa ngombe mulume udi kayi ne bulema, umulambule Maweja-Nangila bu mulambu wa kukobolola nawu bantu. Wangate kabidi mukoku wa tshimpanga udi kauyi ne bulema, uulambule Maweja-Nangila bu mulambu wa kuosha. Wimane nabi kumpala kua Maweja-Nangila.

Lewitiki 9:4

Bangate kabidi ngombe mulume, mukoku wa tshimpanga bua mulambu wa bobumue. Nenusakidile ku nyama mulambu wa bukula busampakaja ne mafuta. Bualu Maweja-Nangila neanumuenekele lelu.

Rome 8:3

Mvidi Mukulu mmukumbaje bivua mikenji ya Moshe kayiyi mua kupeta bualu bua butekete bua bantu. Bua kutshimuna bubi buvua ne bumfumu mu bantu, Mvidi Mukulu kutuma Muanende wa menemene, bua angate buntu bufuanangane ne bua benji ba malu mabi, bua amone mua kumushamu bubi.

2 Korente 5:21

Kristu kavua muenze bualu bubi to. Kadi Mvidi Mukulu mmuteke bubi buetu pambidi pende, bua amone mua kutubingisha kumpala kuende, patudi badisange ne Kristu.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.