Lewitiki 21:9 - MUKANDA WA MYIDI MUKULU

⁹ “Padi muana wa bakaji wa mutuangaji mushale ndumba, udi ufuisha tatuende bundu. Nenku badi ne bua kuosha muana awu ne muoyi mu kapia.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bienda muana mukashi wa muakuidi masandi, yeye wakadinyanga wakasangisha tatuʼandi kabidi, nebamuoshe mu kahia.

Lewitiki 21:9 ပူးပေါင်းရင်းမြစ်များ

Genese 38:24

Kupita anu ngondu isatu muntu kampande kuambila Yuda ne: — Tamare, mukaji wa muanebe, ukadi mudisombele. Kabidi udi mumane kuimita ne difu. Yuda kutuma diyi ne: — Bamupatule pa mbelu, bamoshe mu kapia, abutuke.

Ekesode 31:14

Nunemeke dituku dia Dikisha, bualu ndienu dia tshijila. Muntu yonsu udi wenza mudimu dituku adi, ne bamumushe munkatshi mua tshisamba tshianyi, bamushipe.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Yezekiyele 9:6

Nushipe bakulakaje, bansongalume ne bansongakaji, bana ne bakaji. Kadi kanulengi bantu badi ne tshimanyinu pa mpala. Nutuadije kushipa bantu badi mu nzubu wanyi wa tshijila ewu. Kutuadijabu kushipa bakulu bavua bimane kumpala kua nzubu wa Mvidi Mukulu.

Lewitiki 19:29

“Kanufuishi nsongakaji yenu bundu, panudi nubasaka ku dienda buendenda mu nzubu ya ditendelela mvidie. Buenzayi bua nanku kabutampakanyi ditunga dijima nansha.

Lewitiki 20:14

“Padi mulume ubanjija mukaji pamue ne mamuende wa mukaji, mmuena tshibawu. Mulume awu ne bakaji bonsu babidi nebaboshe ne muoyi mu kapia. Nanku malu mabi a mushindu ewu kaakutungunuka munkatshi muenu to.

Malaki 2:3

Nennyoke kabidi ndelanganyi yenu. Nennuele tumvi mu mesu, tumvi tua nyama inudi nuosha mu bibilu bienu. Nebanuimanshe nuenu pamue ne tumvi atu.

Dielulula 22:21

bakulu ba mu tshimenga nebimanyike mukaji ewu mu mushiku wa mbelu wa nzubu wa tatuende. Bantu balume ba mu tshimenga nebamuase mabue, bamushipe. Bualu mmuenze bualu bua dikamakama, patshivuaye ku nzubu kua baledi bende. Ke munudi mua kujikija buenzayi bua mushindu ewu munkatshi mua bena Izrayele nanku.

Tite 1:6

Mukulu ikale muntu udibu kabayi mua kudiwula, muena mukaji umue. Bana bende bikale bena ditaba. Kabikadi ba lumu lubi, nansha bena tshishiku.

Yoshua 7:15

Nenku nendeje munkatshi mua bantu abu muntu udi muangate bintu bimvua mukandike bua kuangata. Neboshe muntu awu mu kapia, ne bionsu bidiye nabi. Bualu kuvua mukumbaje bimvua munuambile. Mmuenze bualu bubi munkatshi mua bena Izrayele budibu kabayi mua kuenza to.”

Yoshua 7:25

Yoshuwa kuambila Akane ne: “Udi mutukebele diakabi. Nanku mpindiewu Maweja-Nangila neakupeteshe pebe diakabi.” Bena Izrayele kumuasa mabue, kumushipa. Kuasabu kabidi ne bena mu diku dia Akane bonsu mabue, kubashipa. Kuoshabu bintu biabu bionsu.

1 Samuele 2:17

Nanku bana ba balume ba mutuangaji Eli bavua bapepeja Maweja-Nangila bikole, bualu kabavua banemeka milambu ivuabu bamulambula.

1 Samuele 2:34

“Bua wewe kujadika bionsu bindi nkuambila ebi, neumone malu enzekela Ofni ne Pinhase, bana bebe ba balume babidi. Nebafue bonsu babidi dituku dimue.