Lewitiki 11:8 - MUKANDA WA MYIDI MUKULU

⁸ Nanku kanuena mua kudia munyinyi wayi, nansha kuyilenga padiyi mifue. Numanye ne: idi ne mikiya.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kanudi munyinyi wa nyama ei, kanulengi tshianza hamʼbidi hai, kayena miakane kunudi.

Lewitiki 11:8 ပူးပေါင်းရင်းမြစ်များ

Yeshaya 52:11

Nuenu badi bambula malongu, ngesu ne makopu, bua kutendelela nabi Maweja-Nangila, umukayi, umukayi lukasa. Patukayi mu Babilone. Kanulengi tshintu tshibi. Patukayi kanuyi nupia mikiya.

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Lewitiki 11:7

— ngulube, bualu udi ne mikonu mipanduluke, kadi kena upingaja bintu mukana, ubidiululula.

Lewitiki 11:9

“Ku nyama yonsu idi mu mayi, mu majiba, mu mayi manene ne mu misulu, nudi mua kudia minyinyi idi ne misalala ne mamba.

Lewitiki 5:2

“Tuteke tshilejilu tshikuabu: Padi muntu ulenga tshintu kampande tshidi ne mikiya kayi mumanye, bu mudi nyama wa tshisuku mufue, tshimuna nansha tshilandadi tshifue, muntu awu mmuena tshibawu, udi ne mikiya.

Matayi 15:11

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.

Matayi 15:20

Ke malu adi abipisha muntu! Kadi padi muntu udia, bianza kabiyi biowa, kena upia mikiya to.

Marke 7:15

Kakuena tshintu nansha tshimue tshia pambidi pa muntu tshidi tshibuela munda muende bua kumunyanga. Kadi tshidi tshipatuka mu muoyi wa muntu ke tshidi tshimunyanga. [

Marke 7:18

Kubakonkaye ne: — Nuenu kabidi, kanuena bamanye mua kujingulula anyi? Kanuena bajingulula ne: kakuena tshintu nansha tshimue tshia pambidi pa muntu tshidi tshibuela munda muende bua kumunyanga?

Marke 7:2

Kumonabu bamue ba ku balongi bende badia biakudia kabayi bowa bianza, bu muvuabu bafunde mu mikenji ya Mvidi Mukulu.

Bienzedi 10:28

Kubambilaye ne: — Nudi bamanye mudi meyi ne mikandu bietu bikandike bikole bua muena Yuda kumvuangana ne bantu ba bisamba bikuabu, nansha kubuela mu nzubu yabu. Kadi Mvidi Mukulu mmundeje mundi tshiyi mua kutangila muntu nansha umue ne: udi ne mikiya, nansha kubenga kubuela kuende.

Bienzedi 15:29

kanudi minyinyi ya nyama ivuabu balambule nwidie. Kanudi mashi, nansha minyinyi ya nyama mishipa, kayiyi mipatule mashi. Nulekele buendenda. Nuenu bakumbaje mikenji eyi, nudi nuenza biakane. Kolayi!”

Rome 14:21

Bidi bimpe kubenga kudia munyinyi, kubenga kunua maluvu, kuepuka bionsu, padibi mua kulenduisha muanenu.

1 Korente 8:8

Kadi tshidi tshitusemeja pabuipi ne Mvidi Mukulu ki ntshiakudia nansha. Tuetu katuyi badie minyinyi ayi, katuena dijimija tshintu. Tuetu bayidie, katuena tupeta tshintu.

2 Korente 6:17

Ke pavua Maweja-Nangila muambe kabidi ne: “Nudi ne bua kumuka kudi bantu abu, nuye kusomba wenu muaba pa nkayenu. Kanulengi tshintu tshidi ne mikiya. Nanku Meme nennuakidile.

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

Efeze 5:7

Kanubuelakanyi ne bantu ba nanku nansha.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.