Lewitiki 11:2 - MUKANDA WA MYIDI MUKULU

² bua bamanyisha bena Izrayele mikenji eyi: “Ku nyama yonsu ya panu, nudie amu nyama eyi:

Mukanda wa Nzambi Dihungila Dikulukulu ne Dihungila Dihia-dihia 2003

² Nuambile Bena Isalele ne, Ebi mbintu bidi ne muoyo binudi mua kudia munkatshi mua nyama yonso idi ha buloba.

Lewitiki 11:2 ပူးပေါင်းရင်းမြစ်များ

Yezekiyele 4:14

Meme kuela diyi ne: — Eyi! Maweja-Nangila Mvidi Mukulu, meme katshia tshiena muanji kupia mikiya musangu nansha umue to. Bituadije ku buana buanyi, tshiena muanji kudia munyinyi wa nyama mudifuile, nansha mushipa kudi nyama mukuabu wa tshisuku to. Munyinyi udi mupie mikiya ki mmuanji kubuela mukana muanyi to.

Danyele 1:8

Bu muvua Daniyele ubenga kupia mikiya, kudikandikaye bua kudia ne bua kunua bivua mukalenga udia ne unua. Nanku Daniyele kuambila mulombodi wa bena mudimu bua kamupeshi biakudia bidi ne mikiya nansha.

Lewitiki 11:1

Maweja-Nangila kuambila Moshe ne Arone

Lewitiki 11:11

Numanye ne: minyinyi ayi idi ne mikiya. Kanuena mua kuyidia, nansha kuyilenga padiyi mifue.

Lewitiki 11:13

“Kanuena mua kudia nyunyi eyi to: tshiminyi, mukanku, kabemba ka mvulu,

Lewitiki 11:21

Kadi ku bintu bionsu bidi ne masala, bikale kabidi ne mapangu anayi, nudi mua kudia anu bidi ne mikolu, bitupika.

Lewitiki 11:29

“Ku tunyama tukese tudi tuenda panshi, numanye ne: tudi ne mikiya tudi nunku: tshibulebule, mpuku, misodi ya mishindu yonsu,

Lewitiki 11:3

Nudi mua kudia nyama idi ne mikonu mipanduluke, mikale ibiola bintu mukana, ibidia tshiakabidi.

Lewitiki 11:34

Padi mayi avua mu luesu alu masampukila ku tshintu tshidibu mua kudia nansha kunua, tshintu atshi tshidi ne mikiya, nansha tshiotshi mu luesu lua mushindu kayi.

Lewitiki 11:39

“Padi nyama wa ku inudi nudia mudifuile, muntu mulenge nyama awu neapie mikiya too ne ku dilolu.

Lewitiki 11:4

Kadi kanuena mua kudia nyama idi amu idiululula, nansha idi amu ne bikonu bipanduluka, bu mudi: — kamelu kadi kadia kadiululula, kadi kakena ne bikonu bipanduluke to;

Lewitiki 11:9

“Ku nyama yonsu idi mu mayi, mu majiba, mu mayi manene ne mu misulu, nudi mua kudia minyinyi idi ne misalala ne mamba.

Matayi 15:11

Tshidi tshibuela mukana mua muntu ki ntshidi tshimupisha mikiya to. Kadi amu tshidi tshipatukamu, ke tshidi tshimupisha mikiya.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

Ebrewu 9:10

Ebi bidi amu mikenji ya bantu idi itangila biakudia, bia kunua, kabidi ne bibidilu bishilangane bia kudikobolola nabi. Mikenji eyi idi ne mudimu amu too ne ku diba didi Mvidi Mukulu ulongolola malu onsu tshiakabidi.