Kolose 4:2 - MUKANDA WA MYIDI MUKULU

² Tendelelayi Mvidi Mukulu ne munanunanu. Mutendelelayi, numuele tuasakidila, kanuyi nupungila.

Mukanda wa Nzambi Dihungila Dikulukulu ne Dihungila Dihia-dihia 2003

² Nunanukile mu ditendelela dienu nutabalamu ne disakidila;

Kolose 4:2 ပူးပေါင်းရင်းမြစ်များ

Yobe 15:4

Muntu udi witaba tshiudi wamba, kena mua kutshina kabidi Mvidi Mukulu to.

Misambu 109:4

Nansha meme mubanange, badi bansonguela, kadi meme ndi ntendelela bua baluishi banyi,

Matayi 26:41

Tabalayi. Tendelelayi, bua kanubuedi mu mateyi. Muoyi wa kuenza bimpe nudi nawu, kadi bukole bua kubikumbaja, kanuena nabu.

Marke 13:33

Nuadimukayi, tabalayi, bualu kanuena bamanye diba didi tshikondu tshikumbana.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Luke 21:36

Kanuladi tulu to! Nutendelele diba dionsu, bua nupete bukole bua kupitshisha bimpe bionsu bidi ne bua kuenzeka, ne bua kumueneka bakankamane kumpala kua Muana wa muntu.

Bienzedi 1:14

Bonsu bavua muoyi umue, bananukila mu ditendelela, pamue ne bakaji bakuabu, kabidi ne Mariya, mamuende wa Yezu, ne bana babu ne Yezu.

Rome 12:12

Ikalayi ne disanka bua ditekemena dinudi nadi. Ikalayi ne lutuulu panudi mu dikenga. Tendelelayi Mvidi Mukulu ne munanunanu.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Kolose 1:9

Ke patudi tunulombela amu kunulombola kudi Mvidi Mukulu, bituadije ku dituku ditudi banumanye. Tudi tutendelela Mvidi Mukulu, tulomba bua nujingulule bimpe bidiye musue. Anupe meji ne lungenyi bia kudi Mueyelu wende.

Kolose 2:7

Asayi miji munda muende, shindikayi mioyi yenu kudiye, shindamayi amu kushindama diba dionsu mu ditaba. Kanusesuki ku bivuabu banulongeshe. Nuele Mvidi Mukulu tuasakidila muenu muonsu.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

1 Samuele 1:12

Ane uvua utendelela musangu mule. Mutuangaji Eli uvua anu mumubambishe,

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.