Kolose 4:17 - MUKANDA WA MYIDI MUKULU

¹⁷ Ambilayi Arshipe se: “Enza muebe muonsu bua kukumbaja bimpe mudimu uvuabu bakuimikila, uudi ne bua kuenzela Mfumu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Nuambile Âkipo kabidi ne, Udimuke bua mudimu uwakangata mu Mukelenge, bua wewe ûshikishe.

Kolose 4:17 ပူးပေါင်းရင်းမြစ်များ

2 Kulondolola 29:11

Nuenu balunda banyi, kanuena mua kulengulula bualu ebu to. Bualu nuenu ke badi Maweja-Nangila musungule, bua nuimane kumpala kuenda, numutendelela, nuosha musenga wa kamonya mu dina diende.

Lewitiki 10:3

Nanku Moshe kuambila Arone ne: — Ke muvua Maweja-Nangila mumane kukudimuka, pawaye wamba ne: “Bonsu badi bangenzela mudimu, badi ne bua kunnemeka, bualu ndi wa tshijila. Bantumbishe, bantu bonsu batangile.” Arone kushala mupuwa.

Dibadika 18:5

Nuenu nenuenze mudimu muaba wa tshijila, ne ku tshilambuilu. Nanku tshiakufikila kabidi bena Izrayele bonsu munda to.

Matayi 25:17

Uvua mupete nkanu nkama ibidi, kuenza kabidi momumue. Kupetaye minga nkama ibidi.

Bienzedi 1:17

Yudase uvua wa mu tshisumbu tshietu, ukuata netu mudimu wa mushindu umue.

Bienzedi 14:23

Bavua bateka bakulu mu Tshisumbu tshionsu tshia bena ditaba. Bamane kujila biakudia, kutendelelabu Mvidi Mukulu amue matuku. Pashishe kubatekabu mu bianza bia Mfumu, uvuabu bitabe.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Efeze 4:11

Yeye ke uvua mupeshe bantu mapa a pa buawu: uvua mubikile bakuabu bua bikale bapostolu, banga bua bikale bambi, bamue bua bikale balongeshi ba Lumu lua Disanka, bakuabu bua bikale balami ba bena ditaba, nansha balongeshi babu.

1 Timote 4:14

Kulenguludi dipa dia kudi Mvidi Mukulu didi munda muebe, diuvua mupete pavua bambi bakule, bakulu bakutenteke bianza.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

1 Timote 6:20

Timote wanyi, lama biakane tshivuabu bakupeshe. Epela biakulakula bia bantu badi baluisha ditaba, badiamba ne: tudi ne dimanya, padibu kabayi bamanye.

2 Timote 1:6

Ke pandi nkuvuluija ne: usonsole dipa divua Mvidi Mukulu mukupeshe, pamvua mukutenteke bianza.

2 Timote 2:2

Biuvua mumvue meme mulongeshe, bantu ba bungi bavua babiumvue, babijadike. Nanku ubilongeshe bantu ba nsongu, badi bamanye mua kubilongesha bakuabu.

Filemone 1:2

pamue ne Tshisumbu tshia bena ditaba badi basangile mu nzubu muebe, kabidi ne muanetu wa bakaji Apiya, ne Arshipe, utudi nende mu mvita, tudi tunujingila bonsu ne: