Kolose 3:8 - MUKANDA WA MYIDI MUKULU

⁸ Kadi mpindiewu bengayi bionsu ebi: tshiji, difika munda, tshikisu. Kanupendi muntu, kanuakudi miaku mibi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi katataka nudiumushile bienu kabidi malu â onso: lukuna, tshishi, lukinu, bihendu, mei a bundu mukana muenu.

Kolose 3:8 ပူးပေါင်းရင်းမြစ်များ

Misambu 37:8

Kufiki munda, kubinduluki, kubabi badi benza bibi, bualu bidi mua kukulamata!

Nsumuinu 17:14

Kutuadija matandu kudi bu kubumbula nkila. Puwa patshidi matandu kaayi manji kukola.

Nsumuinu 19:19

Muena tshiji tshikole afute tshibawu. Wewe mubenge kumufutshisha, udi umusaka bua atungunuke.

Nsumuinu 29:22

Muntu wa tshiji udi ujuula matandu. Udi ubinduluka lukasa lukasa udi uvudija bilema biende.

Matayi 5:22

Kadi meme ndi nnuambila ne: muntu yonsu udi ufikila muanabu munda, nebaye nende kudi ndumbulula. Yonsu udi upenda muanabu ne: “Tshidingidingi,” nebaye nende ku Tshipangu tshikulu. Yonsu udi upenda muanabu ne: “Mupale,” nebamuele mu kapia ka mu kandondu.

Marke 7:22

buenji bua malu a bundu, lukuka, tshikisu, budimu, ditupa dia mikenji, lubabu lua bintu bia bende, bipendu, ditambisha ne dipanga dia lungenyi.

Rome 13:13

Tuenze malu mimpe, bu bantu bakadi benda mu butoke bua dituku. Tulekelayi budiavi, bunuavi, malu a bundu, ne buenzavi bukuabu, matandu ne lubabu.

1 Korente 3:3

bualu nutshidi nusomba bu bantu ba panu. Nudi nubabangana, nutandangana. Ke bidi bileja ne: nudi bantu ba panu, nuenza amu bidi bantu bakuabu bonsu benza.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Ngalate 5:15

Kadi panudi nusumangana, nusunsulangana, bu nyama ya lonji, nudimuke, tshianana nenubutulangane.

Ngalate 5:20

ku ditendelela dia mvidie, ne ku majimbu; ku lukinu, matandu, lubabu, tshiiji, difuilakana mianzu, diabulukangana, ditapulukangana;

Ngalate 5:26

Kanuditambishi, katufikishanganyi munda, katutekedianganyi lubabu.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Efeze 4:25

Nanku lekelayi dishima. Muntu yonsu ambile mukuende bualu amu mudibu. Bualu tuetu bonsu tudi bidimba bia mubidi umue.

Efeze 4:26

Panudi ne tshiji, kanuenji bibi. Tshiji tshienu katshinengi too ne ku dilolu.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Efeze 5:4

Buakulavi, miaku ya bupale, nansha bilele bibi, kabiumvuiki kunudi. Mukana muenu mupatuke amu miaku ya kuela nayi Mvidi Mukulu tuasakidila.

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

Kolose 3:9

Kanushiminyinyanganyi, bualu nuvua bavuule muntu mukulukulu ne bibidilu biende.

1 Timote 1:13

nansha mumvua mumujane kale, mumukengeshe, mumupende. Kadi Mvidi Mukulu kumfuila luse, bualu tshivua ne ditaba, tshivua mumanye tshimvua ngenza.

1 Timote 1:20

Munkatshi muabu mudi Imeneya ne Aleksandre, bamvua mufile kudi diabolu, bua balonge mudibu kabayi mua kusendeka Mvidi Mukulu.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Yakobe 2:7

Bobu ke badi bapenda dina dimpe didi Mvidi Mukulu munupe.

1 Petro 2:1

Nanku nubenge malu mabi onsu: dishima, mpala ibidi, lubabu ne bijanu.

2 Petro 2:18

Badi bakula miaku ya ditambisha ne ya bupote. Ku lukuka luabu badi bateya bantu batshidi bumuka mu njila wa bantu bapambuke.

2 Petro 2:7

Uvua musungidile Lote, muntu wa malu mimpe, uvua unyingalala bua malu mabi avua bantu bena buenzavi ba tshikondu tshiende benze.

Yuda 1:13

Badi baleja malu abu mabi, bu mudi mavuala a mayi manene atutuka ntutu. Badi bu mitotu ya milanjilanji idi ituka mulu: Mvidi Mukulu mmubalongoluele muaba mu miidima mikole, bua bashalemu kashidi.

Yuda 1:8

Bantu badi balotakana abu, badi benza malu a momumue: badi banyanga mubidi wabu, bapepeja bumfumu bua Mvidi Mukulu, bapenda makole a mutu.

Didimanyisha 16:9

Munya kuosha bantu bikole. Ke bantu kusendeka dina dia Mvidi Mukulu uvua ulongolola bipupu ebi. Kadi kabavua badilengeja, kabavua batumbisha Mvidi Mukulu to.