Kolose 3:24 - MUKANDA WA MYIDI MUKULU

²⁴ Nuyuluke ne: Mfumu neanufute. Nenupete bidiye mulamine bena diende. Bualu Mfumu unudi nuenzela mudimu ke Kristu.

Mukanda wa Nzambi Dihungila Dikulukulu ne Dihungila Dihia-dihia 2003

²⁴ bualu bua nudi bamanye ne, Netuangate difutu dia buhianyi kudi Mukelenge. Nudi nukuatshila Mukelenge Kilisto mudimu.

Kolose 3:24 ပူးပေါင်းရင်းမြစ်များ

Genese 15:1

Malu onsu mamane kupita, Maweja-Nangila kumuenekela Abrame, umuambila ne: — Abrame, kutshinyi to! Ndi nebe, nenkulame ku njiwu yonsu, kabidi difutu diebe nedikale dinene.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Matayi 10:41

Muntu udi wakidila muambi wa Mvidi Mukulu, bua padiye muambi, neapete difutu didibu bapesha muambi. Muntu udi wakidila muntu wa Mvidi Mukulu, bua padiye muntu wa Mvidi Mukulu, neapete difutu didibu bapesha muntu wa Mvidi Mukulu.

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Matayi 5:46

Panudi nunanga anu bantu badi banunanga, nenupete difutu kudi Mvidi Mukulu mushindu kaayi? Nansha balambuishi ba bitadi badi benza pabu nanku!

Matayi 6:16

— Panudi nujila biakudia, kanushadi babungame bu mudi bena mpala ibidi benza. Badi banyenga mpala, bua bantu bonsu babamone ne: mbajile biakudia. Ndi nnujadikila bulelela ne: mbamane kupeta difutu diabu.

Matayi 6:5

— Panudi nutendelela, kanuenji bu bena mpala ibidi to. Mbasue kutendelela, bimane mu nzubu ya kutendelela, ne mu masangu a njila, bua bantu bonsu babamone. Ndi nnujadikila bulelela ne: mbamane kupeta difutu diabu.

Luke 14:14

Nanku newikale ne diakalenga, bualu bobu kabena mua kukupingajilabi. Mvidi Mukulu neakupingajilebi diba didiye ubisha ku bafue bantu bavua benza malu mimpe.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Yowanane 12:26

Pikala muntu musue kungenzela mudimu, udi ne bua kundonda. Nanku muena mudimu wanyi neikale kabidi muaba undi. Tatu wanyi udi utumbisha muntu udi ungenzela mudimu.

Bienzedi 20:32

Kadi mpindiewu, ndi nnuteka mu bianza bia Mvidi Mukulu, ne mu muaku wa luse luende. Muaku awu udi mua kunukolesha mu ditaba, kunupa bilenga bidi Mvidi Mukulu mulamine bantu badi bende.

Rome 1:1

Meme Polu, muena mudimu wa Yezu Kristu, udi Mvidi Mukulu mubikile bua ngikale mupostolu, udiye musungule bua mmanyishe bantu Lumu luende lua Disanka, ndi nnutumina mukanda ewu.

Rome 14:18

Muntu udi ukuatshila Kristu mudimu mushindu ewu, udi usankisha Mvidi Mukulu. Bantu kabidi nebamuanyishe.

1 Korente 11:23

Telejayi bimvua mupete kudi Mfumu, kabidi bimvua munulongeshe. Mfumu Yezu, butuku buvuabu ne bua kumukuata, uvua muangate diampa.

1 Korente 3:8

Mudimu wa mukunyi, ne mudimu wa mumiaminyi wa mayi, udi wa mushinga wa momumue. Mvidi Mukulu neafute muntu yonsu diende difutu, bilondeshile mushindu udiye ukumbaja mudimu wende.

1 Korente 7:22

Bualu mupika uvua Mvidi Mukulu mubikile, mbamane kumupikula, bualu ukadi wa Mfumu. Momumue kabidi, muntu uvua kayi mupika diba divua Kristu mumubikile, ukadi mupika wa Kristu.

Ngalate 1:10

Nudi nuela meji ne: ndi nkeba bua bantu banganyishe anyi? Nansha! Ndi musue amu bua Mvidi Mukulu anganyishe! Ndi nkeba kusankisha bantu anyi? Bu meme nkeba kusankisha bantu, tshi vua mua kuikala muena mudimu wa Kristu to.

Efeze 6:6

Kanubenzedi nanku, amu bua kubasankisha padibu banutangila. Kadi enzayi nanku bu bapika ba Kristu, badi bakeba kukumbaja ne muoyi wabu mujima bidi Mvidi Mukulu musue.

Efeze 6:8

Nuvuluke ne: muntu yonsu, nansha yeye mupika, nansha yeye muntu udi udienzela mudiye musue, nebamufute kudi Mfumu, bilondeshile malu mimpe avuaye muenze.

Kolose 2:18

Kanuteleji muntu udi unudiwula, wamba ne: meme ndi ndipuekesha, ndi ntendelela batumibue; Mvidi Mukulu udi undeja malu. Muntu wa nanku udi uditambisha patupu, wela amu meji a bantu.

Ebrewu 10:35

Nenku kanujimiji muoyi mushindame unudi nawu, neunupeteshe difutu dinene.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

1 Petro 1:4

kusanka bua bilenga bidi Mvidi Mukulu mulamine bantu bende. Bilenga abi kabiena bibola, kabiena binyanguka, kabiena bifubidila. Mvidi Mukulu mmunulaminebi mu diulu.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

Yuda 1:1

Meme Yuda, muena mudimu wa Yezu Kristu, ne muanabu ne Yakobe, ndi mfundila bonsu badi Mvidi Mukulu mubikile, badiye Yeye Tatu wetu unanga, badi Yezu ulama bimpe, mukanda ewu.

Rute 2:12

Maweja-Nangila akuvudijile disanka pa bionsu biudi muenze. Maweja-Nangila, Mvidi Mukulu wa Izrayele, akuele lupemba, bualu udi muvue kusokoma kudiye.