Kolose 3:16 - MUKANDA WA MYIDI MUKULU

¹⁶ Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Dî dia Kilisto dikale munda muenu ne bubanshi buadi; mu meshi onso nuyishangane ne nudimushangane ne misambu ya bena kuitabusha ba kale ne ya bena Kilisto ne ya Nyuma; nuimbile Nzambi misambu ne ngasa mu mitshima yenu.

Kolose 3:16 ပူးပေါင်းရင်းမြစ်များ

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

1 Kulondolola 25:7

Bena misambu bavua bamanye misambu bimpe abu, ne bantu bakuabu ba mu bisumbu biabu, bavuabu balongesha mua kutumbisha Maweja-Nangila ne misambu, bavua nkama ibidi makumi muanda mukulu ne muanda mukulu.

Nehemya 12:46

Biangatshile ku tshikondu tshia Davide ne tshia Ashafe, muimbi wa misambu, balombodi ba bena misambu bavua bimbisha misambu ya kusamuna Mvidi Mukulu, kumutumbisha.

Yobe 23:12

Tshivua mubenge kukumbaja bivuaye muntumine diyi, meme kuenza bivuaye mujinge, bivuaye mumfundile bua kuenza.

Misambu 119:11

Ndi ndama mikenji yebe mu muoyi wanyi, bua tshikadi mua kupila ku mesu kuebe.

Misambu 119:54

Biudi musue, ke bindi meme muena tshimuangi nsaka mu misambu.

Misambu 138:1

Musambu wa mu mukanda wa misambu ya Davide. Maweja-Nangila, ndi nkutumbisha ne muoyi wanyi mujima. Ku mesu kua batumibue ba mu diulu ndi nkutumbisha ne misambu,

Misambu 28:7

Maweja-Nangila udi undama, udi ngabu wanyi. Ndi mmutekemena muanyi muonsu. Bu nuwuaye mungambuluishe, ndi nsanka, ntshionkomoka, ndi musue kumuimbila misambu, kumutumbisha.

Misambu 32:7

Wewe udi muaba undi mua kusokomena. Udi undama mu dikenga. Neumpandishe, nanku nengele mbila ya disanka.

Misambu 71:23

Nenkuimbile misambu, nkuela tunkunduluila, bualu uvua mumpikule.

Nsumuinu 14:8

Muntu mudimuke udi mumanye tshidiye ne bua kuenza, bualu udi muena meji. Batshimbakane badi bapambuke bua bupale buabu.

Nsumuinu 18:1

Muntu udi udinanga, udi udilamuna kudi bakuabu. Udi ufika munda padibu bafila meji makuabu.

Musambu wa Solomo 1:1

Ku misambu yonsu idi Shelomu mufunde, ewu udi muimpe mupite mikuabu. Diyuki dia badi banangangana

Yeshaya 10:2

Nudi nubenga kuteleja bantu banyi, badi kabayi ne bukole. Nudi nubenga kupesha bapele, bidibu ne bua kupeta. Nudi nunyenga bakaji bakamba bidibu nabi, nuiba bana ba nshiye bintu biabu.

Yeshaya 26:1

Dituku adi, mu ditunga dia Yuda, bantu nebimbe musambu, bamba ne: “Tudi ne tshimenga tshivuabu bakoleshe ne bimana. Bua kutshilama bimpe, Maweja-Nangila mmutshinyungulule ne bimana, kabidi ne mushiki wa buloba.

Yeshaya 30:29

Kadi nuenu bena Yerushalayime, nenuimbe misambu, munudi nuenza bufuku matuku a tshibilu. Nenusanke amu bu bantu badi bela nshiba, benda batangila ku mukuna wa Maweja-Nangila, muaba udi Mvidi Mukulu wa Bukole bua bena Izrayele usomba.

Yeshaya 5:1

Ndi musue kuimbila mulunda wanyi musambu, musambu wa budimi buende bua mvinyo. Mulunda wanyi uvua ne budimi bua mvinyo, pa mukuna wa buloba buimpe.

Yirmeya 15:16

Paudi mungambile malu, diakamue meme kuteleja bimpe, kuvuluka muaku webe onsu. Muaku webe kunguwuja ne disanka, kungenza muena diakalenga. Bualu mbanjidile mu dina diebe wewe, Maweja-Nangila wa bukole buonsu.

Matayi 26:30

Kuimbabu misambu ya tshibilu. Pashishe kuyabu ku mukuna wa Olive.

Luke 2:51

Ke Yezu kupingana nabu mu Nazarete. Uvua ubatumikila. Mamuende uvua ulama malu aa onsu mu muoyi wende.

Yowanane 15:7

Panudi bashale munda muanyi, kabidi miaku yanyi mishale munda muenu, lombayi binudi basue, nenubipete.

Rome 10:17

Nenku ditaba didi difuma ku diteleja dia Lumu ludibu batumanyisha. Lumu alu ludi lufuma ku muaku uvua Kristu mene muambe.

Rome 15:14

Bana hetu, meme mene ndi mushindike ne: nudi bena muoyi muimpe. Nudi bamanye bionsu binudi ne bua kumanya. Nudi ne bukole kabidi bua kubelangana nkayenu.

1 Korente 14:15

Kadi ngenze tshinyi? Nengenze bionsu bibidi, nentendelele pamue ne Mueyelu wanyi, nentendelele kabidi ne lungenyi. Nengimbe misambu ne Mueyelu wanyi, nengimbe misambu kabidi pamue ne lungenyi luanyi.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

Efeze 1:17

Ndi ndomba kudi Mvidi Mukulu wa Mfumu wetu Yezu Kristu, Tatu wa butumbi, bua anupe Mueyelu wende. Wowu neunuenze bantu ba meji, unumanyishe Mvidi Mukulu, bua numujingulule bimpe.

Efeze 5:17

Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

Efeze 5:19

Nukoleshangane ku muoyi, nuimbilangane misambu, miyenga ne tusala, mudi Mueyelu unusaka bua kuimba. Imbayi, elayi Mfumu tuasakidila ne muoyi wenu mujima.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

Kolose 1:9

Ke patudi tunulombela amu kunulombola kudi Mvidi Mukulu, bituadije ku dituku ditudi banumanye. Tudi tutendelela Mvidi Mukulu, tulomba bua nujingulule bimpe bidiye musue. Anupe meji ne lungenyi bia kudi Mueyelu wende.

Kolose 4:6

Miaku yenu ibasankishe, ibalengelele. Numanye mua kuandamuna muntu yonsu bimpe.

1 Tesalonike 1:8

Bualu bituadije kuenu, muaku wa Mfumu kutangalaka mu Masedoniya, ne mu Akaya. Kadi nansha miaba mikuabu yonsu, bantu badi amu bamanye munudi nuitaba Mvidi Mukulu. Nanku katuena ne bua kuakula bualu ebu to.

1 Tesalonike 4:18

Nusambangane nanku ne miaku eyi.

2 Tesalonike 3:15

Kadi kanumutangidi bu muena lukuna. Numubele amu bu muanenu.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Tite 3:6

Bualu ku bukole bua Yezu Kristu, Musungidi wetu, Mvidi Mukulu mmutupumuine Mueyelu wende wa Tshijila muvule.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

Yakobe 5:13

Padi umue wa kunudi ne dikenga, atendelele. Padiye ne disanka, imbe musambu, atumbishe Mvidi Mukulu.

1 Yone 2:14

Bana, ndi nnufundila, bualu nudi bamanye Tatu. Batatu, ndi nnufundila, bualu nudi bamanye Udiku biangatshile ku ntuadijilu. Bansonga, ndi nnufundila, bualu nudi ne bukole. Muaku wa Mvidi Mukulu udi munda muenu, kabidi nudi batshimune Muena bubi.

1 Yone 2:24

Nanku nulame bimpe munda muenu miaku inuvua bumvue biangatshile ku ntuadijilu. Pikala miaku inuvua bumvua biangatshile ku ntuadijilu ayi mishale munda muenu, nuenu kabidi nenushale mu bobumue ne Muana, kabidi ne Tatu.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

2 Yone 1:2

Bualu bulelela budi munda muetu. Nebushale kabidi netu kashidi.

Didimanyisha 14:3

Bantu aba binunu ne binunu bavua bimane kumpala kua nkuasa wa butumbi, kua Bia muoyi binayi, ne kua bakulu, bimba musambu mupiamupia. Muntu nansha umue kavua mua kulonga musambu awu, amu bantu abu binunu lukama makumi anayi ne binayi bavuabu bapikule, bumushe pa buloba.

Didimanyisha 15:3

Bavua bimba musambu wa Moshe, muntu wa Mvidi Mukulu, kabidi ne musambu wa Muana wa mukoku ne: “Maweja-Nangila Mvidi Mukulu wa bukole buonsu, udi muenze malu manene a dikema! Mukalenga wa bisamba bionsu, malu audi wela meji, ne audi ukumbaja, adi mimpe, aleja muudi muena diyi dimue.

Didimanyisha 19:10

Ke meme kudiela ku makasa ende bua kumukukuila. Kadi kungambilaye ne: — Kuenji nanku to! Meme kabidi ndi amu muena mudimu bu wewe, bu bana benu badi bitaba bulelela buvua Yezu mubamanyishe. Kukuila Mvidi Mukulu nkayende! Bulelela budi Yezu ujadika, ke Mueyelu udi umanyisha bambi malu.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.