Kolose 2:5 - MUKANDA WA MYIDI MUKULU

⁵ Nansha meme tshiyi nenu pabuipi, kadi mu lungenyi ndi nenu. Ndi nsanka bua kumona munudi benze tshintu tshimue, bitabe Kristu ne muoyi mushindame.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bua bingikala tshi nʼenu mu mubidi wanyi, ntshidi nʼenu mu nyuma wanyi; ndi nsanka, ndi mona kudilongolola kuenu ne kutantamana kua ditabusha dienu dia mu Kilisto.

Kolose 2:5 ပူးပေါင်းရင်းမြစ်များ

2 Kulondolola 29:35

Kabidi batuangaji bamane kulambula milambu ya bungi ya kuosha, ivuabu ne bua kulambula pamue ne milambu ya maluvu a mvinyo, bavua ne bua kuoshila kabidi pa tshilambuilu minyinyiivua ne mafuta ya ku milambu ya bobumue. Ke muvuabu bapingaja ditendelela dimpe mu nzubu wa Maweja-Nangila.

Misambu 78:37

Kabavua bamulamate nansha, bavua bupule ndondu uvuabu batue nende.

Misambu 78:8

Nenku, kabakulonda kabidi ngenzelu ya bankambua babu ivua mibi, ya bantu batomboke, bena mpala ibidi, kabayi balamate Mvidi Mukulu.

Dibadika 7:11

Maweja-Nangila kuambila Moshe ne: — Bamfumu kabena mua kufika bonsu musangu umue to. Dituku dionsu mfumu umue afile milambu yende bua kujidila tshilambuilu.

Bienzedi 2:42

Matuku onsu bantu abu bavua basombe kaba kamue: bavua bateleja ne ntema bivua bapostolu babalongesha, badisanga mu buena muntu, badila kaba kamue batendelela bonsu pamue.

Bienzedi 20:21

Mvua ndomba bena Yuda ne bantu ba bisamba bikuabu, bua badilengeje, bapingane kudi Mvidi Mukulu, bitabe Mfumu wetu Yezu.

1 Korente 11:34

Pikala muntu ne nzala, adile kuende. Tshianana bisangilu bienu nebinubueje mu tshilumbu kudi Mvidi Mukulu. Kadi bua malu makuabu, nengalongolole pangikala mufike kuenu.

1 Korente 14:40

Bionsu bienzeke amu ne kanemu, bilondangane bimpe.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

Kolose 2:1

Ndi musue bua numanye mvita mikole indi nduangana bualu buenu, kabidi bua bena Lawodikiya, ne bua bantu bonsu badi kabayi banji kummanya.

1 Tesalonike 2:17

Bana hetu, tuvua bashiyangane nenu bua tshitupa tshipi, kabidi amu bua mubidi. Bualu tudi amu tuenda nenu mu meji etu. Kadi bu mutuvua bajinge bikole kumonangana nenu, tuvua benze muetu muonsu bua kupeta mushindu wa kunukumbula tshiakabidi.

1 Tesalonike 3:8

Bualu mpindiewu tudi bafululuke, bualu nudi badisange ne Mfumu ne muoyi umue.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Ebrewu 6:19

Ditekemena adi didi diludika muoyi wetu, mudi luongu luludika buatu pa mayi. Didi dikole, didi dishindame munda muetu. Didi disompoke dia muamua dia tshilamba tshia nzubu wa Mvidi Mukulu wa mu diulu, bua kutufikisha muaba menemene wa tshijila.

1 Petro 5:9

Nuikale bashindame mu ditaba, numutuile nkanana. Numanye ne: bana benu bena ditaba badi batangalake mu buloba bujima, badi bumvua makenga amu munudi nuenu numvua.

Rute 1:18

Nowemi umona ne: Rute mmukoleshe bua kuya nende, kupuwaye. Ki mmuakule kabidi to.