Kolose 2:20 - MUKANDA WA MYIDI MUKULU

²⁰ Nudi bafue pamue ne Kristu. mBanupikule ku makole a mulu. Nanku nudi basombe bu bantu ba pa buloba bua tshinyi? Bua tshinyi nudi banyishe bua banuelele mikenji ya mushindu ewu:

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Binuikala bafue ne Kilisto ku mayisha a kumudilu a ha buloba, ntshinyi tshinudi nuditekela ku nyima kua mikenshi ei bu munutshidi ne mioyo yenu mu buloba: ne,

Kolose 2:20 ပူးပေါင်းရင်းမြစ်များ

Yowanane 15:19

Bu nuenu bikale ba pa buloba, ba pa buloba batua mua kununanga bu bana babu. Kadi mvua munusungule, munusomone munkatshi mua ba pa buloba, bualu kanuena ba pa buloba to. Ke padi ba pa buloba banukina.

2 Korente 10:3

Bushuwa, tudi amu bantu. Kadi katuena baluangana ne bia mvita bia bantu.

Ngalate 4:3

Ke mutuvua bapika ba makole a mulu, bualu tutshivua bana.

Ngalate 6:14

Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.

Efeze 2:15

Uvua mushipe mikenji ya bena Yuda, meyi ne mikandu biayi. Ke muvuaye mufile bupole munkatshi mua bantu ba bisamba bibidi ebi, mubenze muntu umue epele mupiamupia munda muende.

Kolose 2:14

Uvua mushipe mukanda uvua uleja mutuvua bena tshibawu, utusonguela. Uvua mumbushe bukole buawu, bualu mmuupopele pa mutshi mutshiamakane.

Kolose 2:16

Kanuteleji badi banujana, bua binudi nudia nansha nunua, nansha bua bibilu, bua ngondu mupiamupia, nansha bua dituku dia Dikisha.

Kolose 2:21

“Kuangatshi etshi,” “Kulabudi tshiatshia,” “Kulengi eku to?”

Kolose 2:8

Dimukayi bua muntu kanushimi ne malongesha a patupu a mu meji a bantu. Ke meji adi mafume ku malu adi bantu balongeshangana, ne kudi makole a mulu. Kadi kaena mafume kudi Kristu to.

Kolose 3:3

Bualu nukadi bafue. Muoyi wenu udi musokome pamue ne Kristu munda mua Mvidi Mukulu.

Ebrewu 13:9

Kanumbuki mu njila mulelela, bua kuitaba malongesha mashilangane adi kaayi etu. Bidi bimpe bua dinanga didi Mvidi Mukulu utunanga nadi dikoleshe muoyi wetu, mikenji idi itangila biakudia kayena mua kuenza nanku. Badi bitabe mikenji ya mushindu ewu, katshia kabena mua kupeta kantu nansha kakese.

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.