Kolose 2:2 - MUKANDA WA MYIDI MUKULU

² Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

Mukanda wa Nzambi Dihungila Dikulukulu ne Dihungila Dihia-dihia 2003

² bua mitshima yabo isambibue, bobo basuikakasha ku luse tô ne ku bubanshi buonso bua kumanya kujalama kua dijingulula diabo, bua bobo bamanye bimpe bualu bua Nzambi buakadi busokoka, nKilisto mene.

Kolose 2:2 ပူးပေါင်းရင်းမြစ်များ

1 Bakalenga 3:28

Bena Izrayele bonsu kumvua muvua mukalenga Shelomu mukose nsambu ayi. Kunemekabu mukalenga Shelomu bikole. Bualu bavua bamanye ne: Mvidi Mukulu nkayende ke udi mumupe meji a kulumbuluisha nawu bantu.

Misambu 133:1

Musambu wa bena ngendu udi mu mukanda wa misambu ya Davide. Eyi, bidi bilenga, bidi disanka bua kusomba pamue bu bena muntu!

Yeshaya 32:17

Buakane nebupatule bupole. Nebufile ditalala bua kashidi, bantu kabayi ne bua kutshina kabidi to.

Yeshaya 40:1

Mvidi Mukulu udi wamba ne: Sambayi bantu banyi! Kanujingakanyi to!

Yeshaya 53:11

Maweja-Nangila udi wamba ne: “Muena mudimu wanyi, mmumane kukenga bikole. Nanku neasanke tshiakabidi. Neamone muapetaye tshipeta ku makenga ende. Bantu nebamone mudi muena mudimu ukumbaja bionsu bindi meme musue. Yeye nkayende ke muntu udi kayi muena tshibawu. Neafuile bantu luse, bualu yeye udi muambule bilema biabu.

Yirmeya 9:24

Maweja-Nangila udi wamba ne: Dituku nedifike dindi nnyoka bantu bonsu badibu bateka panshi, kadi kabayi badilengeja,

Matayi 11:25

Tshikondu atshi, Yezu uvua wamba ne: — Eyo, Tatu, Mfumu wa diulu ne buloba, ndi nkutumbisha, bualu udi muambile bantu bashadile malu audi musokoke bena meji ne bantu bavua balonga mikanda.

Matayi 11:27

Tatu mmumpeshe bintu bionsu. Kakuena muntu udi mumanye Muana, anu Tatu nkayende. Kakuena muntu udi mumanye Tatu, amu Muana nkayende, kabidi ne bonsu badi Muana musue kumanyisha Tatu.

Matayi 13:11

Ke Yezu kubandamuna ne: — Mbanyishe bua nuenu numanye malu masokome a Bukalenga bua mu diulu, kadi ki mbanyishe bua bantu bakuabu baamanye nansha!

Luke 1:1

Bantu ba bungi mbidikije mua kufunda malu manene avua menzeke munkatshi muetu.

Yowanane 10:30

Tatu ne meme tudi tshintu tshimue.

Yowanane 10:38

Kadi pandi nyikuata, nansha kanuyi nungitaba meme, itabilayi nansha bua midimu, bua mimanye amu ne: Tatu udi munda muanyi, meme kabidi ndi munda muende.

Yowanane 16:15

Bionsu bidi Tatu nabi, bidi kabidi bianyi. Ke pamvua munuambile ne: Mueyelu neupete bidi kundi meme bua kunumanyishabi.

Yowanane 17:3

Muoyi wa tshiendelele udi nunku: bua bakumanye wewe Mvidi Mukulu umue mulelela, bamanye kabidi Yezu Kristu uuvua mutume.

Yowanane 5:17

Kadi Yezu kubandamuna ne: — Tatu wanyi udi ukuata mudimu diba dionsu. Meme kabidi ndi nkuata mudimu.

Yowanane 5:23

bua bantu bonsu banemeke Muana bu mudibu banemeka Tatu. Udi kayi unemeka Muana, kena unemeka Tatu uvua mumutume.

Yowanane 6:69

Mpindiewu tudi tuitaba, tumanya ne: wewe ke wa Tshijila udi mufume kudi Mvidi Mukulu.

Bienzedi 4:32

Bena ditaba bonsu bavua ne muoyi umue, kabidi ne lungenyi lumue. Muntu nansha umue kavua wamba ne: bintu ebi mbianyi meme. Kadi bonsu bavua basangisha bionsu kaba kamue.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

Rome 2:4

Udi upepeja dinanga dikole didi Mvidi Mukulu utuleja, lutulu luende, kabidi ne muoyi wende wa kalolu anyi? Kuena mumanye ne: dinanga didi Mvidi Mukulu ukuleja didi ne bua kukusaka bua udilengeje anyi?

1 Korente 14:31

Nuenu bonsu nudi mua kumanyishangana malu adi Mvidi Mukulu munuleje, kadi balondangana ku muntu ku muntu, bua numone mua kulongesha bantu bonsu, kubakolesha ku muoyi.

1 Korente 2:12

Tuetu katuena bapete lungenyi lua pa buloba. Kadi tudi bapete Mueyelu udi ufuma kudi Mvidi Mukulu. Ke mutudi tumanya bionsu bidi Mvidi Mukulu mutuenzele.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Efeze 1:7

Mvidi Mukulu mmutupikule ku bubi, mmutujimijile mibi yetu yonsu ku mulambu wa lufu lua Yezu Kristu. Ke muvuaye mutuleje ditunanga diende dia dikema.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Efeze 3:3

Malu masokome andi munufundile mu tshikosu kulu eku, amu Mvidi Mukulu nkayende ke uvua muammanyishe.

Efeze 6:22

Ke pandi nnutuminaye lukasa, nangananga bua anumanyishe mutudi, kabidi bua anukoleshe ku muoyi.

Filipe 2:1

Nukadi nuitaba Kristu, bakolelamu. Kristu udi ununanga, unukolesha ku muoyi. Nudi badisange ne Mueyelu wa Tshijila. Nudi nuenzelangana bimpe, nufuilangana luse.

Filipe 3:8

Tshiena ngamba amu bua biobi abi to. Kadi nkadi ntangila bionsu bidi ne mushinga bu bintu bia kuimansha, bualu bua tshiuma tshipite buimpe etshi: kumanya Yezu Kristu, Mfumu wanyi. Bualu buende Yeye, ndi muimanshe bionsu bivua ne mushinga ku mesu anyi. Ndi mbitangila bu bintu bia kuela mu dyala, bua mmone mua kupeta Kristu,

Kolose 1:26

Ke lumu luvuaye musokoke bantu bonsu mu bikondu bionsu, kadi ludiye musokoluele mpindiewu bantu bende.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 1:9

Ke patudi tunulombela amu kunulombola kudi Mvidi Mukulu, bituadije ku dituku ditudi banumanye. Tudi tutendelela Mvidi Mukulu, tulomba bua nujingulule bimpe bidiye musue. Anupe meji ne lungenyi bia kudi Mueyelu wende.

Kolose 2:19

Kena ulamata Kristu, udi mutu. Kristu nkayende udi udisha mubidi mujima, ulamakaja manungu ne mijilu biawu, udiundisha mubidi mudi Mvidi Mukulu musue.

Kolose 3:14

Ikalayi nangananga ne dinanga. Ke mukaba udi unusuikakaja bonsu pamue.

Kolose 4:3

Nutulombele kabidi kudi Mvidi Mukulu, bua atupeshe mushindu muimpe wa kulongesha muaku wende, wa kumanyisha bantu bualu busokome bua Kristu. Bualu mbangele mpindiewu mu nzubu wa lukanu, amu bua bualu busokome abu.

Kolose 4:8

Nanku ndi mmutuma nangananga bua anuambile mutudi kunu, kabidi bua anukoleshe ku muoyi.

1 Tesalonike 1:5

Bualu katuvua banulongeshe Lumu lua Disanka anu ku mishiku patupu, kadi ne bukole kabidi. Mueyelu wa Tshijila uvua utuambuluisha. Ke mutuvua bajadike bulelela bua Lumu lua Disanka elu ne bukitu. Nudi bamanye mutuvua basombe munkatshi muenu, anu bua kunuenzela bimpe.

1 Tesalonike 3:2

Tuvua banutumine Timote. Yeye ke muanetu utudi tukuatshila nende Mvidi Mukulu mudimu wa kumanyisha bantu Lumu lua Disanka lua Kristu. Tuvua banutumineye bua anukankamike, anukoleshe ku muoyi mu ditaba dienu.

1 Tesalonike 5:14

Bana hetu, tudi tunusengelela ne: belayi bena lulengu. Kankamikayi bena buowa, ambuluishayi badi kabayi ne dikanda, ikalayi ne lutuulu kudi bantu bonsu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Ebrewu 10:22

Nenku tusemenayi kudi Mvidi Mukulu ne muoyi umue, bashindame mu ditaba dietu, bamane kulengeja muoyi wetu ku bilema bionsu bidi kondu ketu ka munda katupisha nabi, bamane kuowesha mubidi wetu ne mayi mimpe.

Ebrewu 6:11

Kadi tudi tujinga ne: muntu yonsu wa kunudi atungunuke ne disuminyina dia momumue too ne ku ndekelu, bua binudi batekemena bikumbane menemene.

2 Petro 1:10

Bana hetu, Mvidi Mukulu mmunubikile, mmusungule. Nanku enzayi muenu muonsu bua makanyine dibikila edi. Nuenu benze nanku, kanuakupambuka mu njila mululame.

2 Petro 1:3

Mvidi Mukulu ku bukole buende mmutupe bionsu bitudi tukengela, bua tumone mua kukumbaja bidiye musue. Bualu bavua batumanyishe mudiye mutubikile, bua tudisange nende mu butumbi, ne mu buimpe buende.

2 Petro 3:18

Kadi nuidikije mua kuya kumpala mu dinanga, ne mu dimanya dia Mfumu wetu ne Musungidi Yezu Kristu. Yeye mene udi ne butumbi mpindiewu ne tshiendelele! Amene.

1 Yone 3:19

Ke mutudi mua kumanya mutudi tuenda mu bulelela. Ke mutudi mua kutalaja kondu ketu ka munda kumpala kua Mvidi Mukulu.

1 Yone 5:7

Bajadiki badi basatu: