Kolose 2:14 - MUKANDA WA MYIDI MUKULU

¹⁴ Uvua mushipe mukanda uvua uleja mutuvua bena tshibawu, utusonguela. Uvua mumbushe bukole buawu, bualu mmuupopele pa mutshi mutshiamakane.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ hakakuhuleye dibanda diakatufundilabo bua mikenshi, diakadi dituhisha, wakadiumusha munkatshi muetu, wakadikumina diodio ne milonda ku mutshi mutshiamakane.

Kolose 2:14 ပူးပေါင်းရင်းမြစ်များ

Nehemya 4:5

Baluishi betu bavua bela meji ne: tuetu katuena mua kumanya bualu, katuena mua kubamona, too ne pafikabu ne mvita munkatshi muetu, bua kutushipa ne kutulekesha mudimu.

Estere 3:12

Kubikidishabu bafundi ba malu a mukalenga, matuku dikumi ne asatu a ngondu wa kumpala. Bilondeshile muvua Amane mubambile, bafundi kufunda mikanda, kuyitumina bamienampala ba mukalenga, balombodi ba mu ditunga, ne bamfumu ba bisamba bishilangane. Mikanda ayi, bavua bayifunde mu mfundilu mishilangane ne mu miakulu mishilangane ivuabu bakula mu ditunga. Kufundabu dina dia mukalenga ne: ke udi muyifunde. Kutuabu tshitampi tshia kakanu ka mukalenga Ahashaveroshe.

Estere 8:8

Kadi tshiena ne mushindu wa kukandika mukenji uvuabu bela mu dina dianyi, batue ne tshitampi tshidi ne kakanu kanyi. Kadi nuenu, nudi mua kufunda mikanda, kuleja bionsu bidi binulengelela bualu bua bena Yuda. Nudi mua kufunda dina dianyi ne kutua tshitampi tshidi ne kakanu kanyi.

Misambu 51:1

Musambu wa mu mukanda wa mulombodi wa bena misambu ne wa mu mukanda wa misambu ya Davide.

Misambu 51:9

Ukupule bubi buanyi, ungoweshe, ntoke zezeze. Nanku tshiakuikala kabidi muena tshibawu.

Yeshaya 43:25

Kadi, nansha nanku, ndi nkufuila amu luse bua buntomboji buebe. Tshiena musue kuvuluka kabidi bilema biebe. Ke mundi meme nanku.

Yeshaya 44:22

Nkadi mukupule buntomboji buebe, ne bilema biebe, bu mudi divuba dipite lubilu, dijimine. Ndi mukupandishi webe. Pingana kundi.”

Yeshaya 57:14

Maweja-Nangila udi wamba ne: “Longololayi njila, koleshayi, pandayi njila, umbushayi mu njila bintu bionsu bidi ne njiwu, bantu banyi benda kamuyi lutatu.”

Dibadika 5:23

“Pashishe mutuangaji neafunde meyi a mitshipu aa mu mukanda, atue mukanda awu mu mayi a bululu aa, bua miaku ayi ishale mu mayi aa.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Bienzedi 3:19

Nanku nudilengeje, nupingane kudi Mvidi Mukulu, bua anujimijile mibi yenu.

Kolose 2:20

Nudi bafue pamue ne Kristu. mBanupikule ku makole a mulu. Nanku nudi basombe bu bantu ba pa buloba bua tshinyi? Bua tshinyi nudi banyishe bua banuelele mikenji ya mushindu ewu:

2 Tesalonike 2:7

Bubi budi amu bukuata mudimu mu musokoku. Kadi bidi ne bua kuenzeka, nebienzeke amu, padi utshidi ukuata Muena bubi umushila muaba.

Ebrewu 7:18

Nenku mbashipe mukenji wa kale, bualu kauvua ne bukole, kauvua ulengelela bantu.

Ebrewu 8:13

Padi Mvidi Mukulu utela ndondu mipiamipia, udi wandamuna ndondu wa kumpala, ushala wa kale. Kadi tshintu tshidi tshishala tshia kale, tshikulakaja, tshikadi pa kujimina.

1 Petro 2:24

Kristu mene uvua muambule pambidi pende mibi yetu pa mutshi mutshiamakane, bua tuetu, bafue bua bubi, tuende ne muoyi, tuenze bidi Mvidi Mukulu musue. mBanuondape ku mputa ivuabu bamutape.