Kolose 2:11 - MUKANDA WA MYIDI MUKULU

¹¹ Panuvua badisange ne Kristu, Yeye uvua mumushe bukole bua bubi munda muenu. Ke muvuaye munuteke panshi; kadi ki mmushindu udi bantu batekangana panshi nansha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ unuakatengudibua munda muandi kabidi ne ditengula didi kadî dienjibua ne bianza mu diumusha dia malu a mubidi wa ha buloba, mu ditengula dia mu Kilisto.

Kolose 2:11 ပူးပေါင်းရင်းမြစ်များ

Yirmeya 4:4

Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Marke 14:58

— Tutua bumvue wamba ne: “Nengupule nzubu wa Mvidi Mukulu ewu utua bantu base, mu matuku asatu nengase mukuabu udi bantu kabayi basa.”

Luke 2:21

Lumingu lujima lumane kupita, tshikondu tshia kuteka muana panshi kukumbana. Kuinyikabu muana dina dia Yezu, divua mutumibue muambe, mamuende wa Yezu kayi muanji kuimita difu.

Bienzedi 17:24

Mvidi Mukulu udi mufuke bukua panu ne bionsu bidipu, Yeye ke Mfumu wa diulu ne wa buloba. Kena usomba mu nzubu idi bantu bibaka.

Bienzedi 7:48

Kadi Mvidi Mukulu wa mulu kena usomba mu nzubu miasa kudi bantu. Bambi bavua bajadika ne:

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

Rome 6:6

Tumanyayi bimpe bualu ebu ne: muntu utuvua kale awu wakafua ne Kristu ku mutshi mutshiamakane, bua mubidi wetu wa bubi ubutuke, bua katuikadi kabidi bapika ba bubi.

Rome 7:24

Ndi muena dikasa dibi. Udi mua kunsulula ku mubidi ewu udi umfikisha ku lufu nnganyi?

2 Korente 5:1

Tudi bamanye ne: nzubu utudi tusomba, mmomumue ne: mubidi wetu wa panu, udi upuka. Kadi Mvidi Mukulu mmutulongoluele nzubu mukuabu mu diulu, nzubu udi ushala kashidi, udibu kabayi basa kudi bantu.

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Ngalate 5:24

Bantu ba Yezu Kristu mbashipe buntu buabu, babupopele pa mutshi mutshiamakane, pamue ne nkuka, ne majinga mabi abu.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Dielulula 10:16

Nudifile muenu muonsu kudi Maweja-Nangila Mvidi Mukulu wenu. Kanumutombokedi kabidi to.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Kolose 3:5

Nanku bengayi malu mabi onsu a pa buloba adi munda muenu: ke buendenda, malu a bundu, lukuka lua mubidi, majinga mabi, ne bukonkotu (bualu bukonkotu budi amu bu kutendelela mvidie).

Ebrewu 9:11

Kadi Kristu mmufike bu mutuangaji munene wa bintu bitukadi nabi mpindiewu. Ntenta udiye wenzela mudimu, mmupite wa kumpala bua mushinga, kabidi udi mulenga tshishiki. Kabavua bamuasa kudi bantu. Mbuena kuamba ne: kena wa pa buloba ebu budibu bafuke nansha.

Ebrewu 9:24

Bualu Kristu kena mubuele muaba wa tshijila muasa kudi bantu, uvua amu tshimfuanyi tshia muaba mulelela. Kadi mmubuele mu diulu menemene, mudiye udileja kumpala kua Mvidi Mukulu bualu buetu.