Kolose 1:9 - MUKANDA WA MYIDI MUKULU

⁹ Ke patudi tunulombela amu kunulombola kudi Mvidi Mukulu, bituadije ku dituku ditudi banumanye. Tudi tutendelela Mvidi Mukulu, tulomba bua nujingulule bimpe bidiye musue. Anupe meji ne lungenyi bia kudi Mueyelu wende.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bua muanda eu, tuetu kabidi, katshia ku dituku dituakunvua lumu etu, katuena tulekela kutendelela Nzambi bua bualu buenu, ne kumulomba bua nuenu nûshibue tente ne kumanya kua disua diandi mu meshi onso ne dijingulula bia mu Nyuma;

Kolose 1:9 ပူးပေါင်းရင်းမြစ်များ

Misambu 119:99

Ndi mupete dimanya mupite ne balongeshi banyi, bualu ndi ngelangana meji ku meyi ebe.

Misambu 143:10

Undongeshe mua kuenza tshiudi musue, bualu wewe ke Mvidi Mukulu wanyi. Mueyelu webe mulenga undudike mu njila udi kayi ne njiwu.

Yowanane 7:17

Muntu udi musue kuenza tshidi Mvidi Mukulu musue, neajingulule mudi dilongesha dianyi difume kudi Mvidi Mukulu, nansha kundi meme nkayanyi.

Bienzedi 12:5

Pavua Petro mu lukanu, bena ditaba bavua batendelela Mvidi Mukulu muabu muonsu, bamuakuila.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

1 Korente 1:5

Bualu panudi badisange ne Kristu, nudi bapete mapa onsu, nangananga dipa dia kumanya malu onsu, ne dia kualongesha.

Efeze 1:8

Uvua mutunange bikole. Ke muvuaye mutupeshe lungenyi ne meji, bua tujingulule bidiye wenza.

Efeze 5:10

Nuenze muenu muonsu bua kujingulula bidi bisankisha Mfumu.

Efeze 5:17

Nanku kanuikadi bantu bapote. Kadi nukebe mua kujingulula tshidi Mfumu musue bua nuenze.

Efeze 6:6

Kanubenzedi nanku, amu bua kubasankisha padibu banutangila. Kadi enzayi nanku bu bapika ba Kristu, badi bakeba kukumbaja ne muoyi wabu mujima bidi Mvidi Mukulu musue.

Filipe 1:4

Diba dionsu dindi ntendelela Mvidi Mukulu bualu buenu, ndi ngumvua disanka.

Kolose 1:6

Lumu lua Disanka ludi lutangalaka, lutuadila bantu ba buloba bujima diakalenga. Diakalenga edi ke divua Lumu elu lunutuadile nuenu kabidi, bituadije ku dituku divuabu banumanyishe musangu wa kumpala dinanga didi Mvidi Mukulu utunanga nadi. Nuenu kujadika bimpe mudi Lumu alu.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Kolose 4:5

Badi kabayi bena ditaba, sombayi nabu bimpe. Kanujimiji diba patupu.

1 Tesalonike 1:3

Bualu kumpala kua Mvidi Mukulu ne Tatu wetu, tudi tuvuluka munudi nukumbaja malu adi ditaba dienu dinulomba, mudi dinanga dienu dinukuatshisha midimu mikole, kabidi munudi nutekemena kudi Mfumu wetu Yezu Kristu ne muoyi umue.

1 Tesalonike 5:17

Nutendelele, kanuyi nupungila.

2 Tesalonike 1:11

Ke patudi tunulombela, katuyi tupungila. Tudi tulomba Mvidi Mukulu wetu, bua anuenze bantu bakanyine muoyi udiye munubikidile. Tudi tulomba bua akumbaje ku bukole buende bilenga bionsu binudi nuipatshila, ne malu mimpe onsu adi ditaba dienu dinusaka bua kuenza.

Filemone 1:4

Filemone musuibue, misangu yonsu indi ntendelela Mvidi Mukulu, ndi nkuvuluka, ngela Mvidi Mukulu tuasakidila.

Filemone 1:6

Ndi ndomba Mvidi Mukulu bua didisanga dietu nebe mu ditaba dikuame bimuma. Ke muudi mua kumanya bimpe bitambe bilenga bionsu bitudi nabi munda mua Kristu.

Ebrewu 10:36

Nuikale ne munanunanu bua nukumbaje tshidi Mvidi Mukulu musue, nupete bidiye munulaye.

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.

Yakobe 1:5

Kadi padi muntu wa kunudi ubula meji, aalombe kudi Mvidi Mukulu. Neamupeshewu, bualu Mvidi Mukulu udi upesha bonsu ne kalolo kabidi ne disanka.

Yakobe 3:17

Kadi meji a kulu kaena kalema. Adi akeba bupole, akidila bantu bimpe, aleja musangelu, afuila bantu luse, enza malu mimpe mavule. Kaena adiwula muntu, kaena ne mioyi ibidi.

1 Petro 2:15

Bualu Mvidi Mukulu mmusue bua nuenze malu mimpe. Nanku nenupuwishe bantu batatakane badi kabayi bamanye tshintu.

1 Petro 4:2

Nanku bituadije ku mpindiewu, matuku anutshidi mua kusomba panu, kanulondi majinga mabi a buntu buenu. Nukebe amu tshidi Mvidi Mukulu musue.

1 Yone 2:17

Bia panu bidi bienda bijimina. Bionsu bidi bantu bajinga panu bidi bipita. Kadi udi wenza tshidi Mvidi Mukulu musue, ke udi ushala ne muoyi kashidi.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.