Kolose 1:6 - MUKANDA WA MYIDI MUKULU

⁶ Lumu lua Disanka ludi lutangalaka, lutuadila bantu ba buloba bujima diakalenga. Diakalenga edi ke divua Lumu elu lunutuadile nuenu kabidi, bituadije ku dituku divuabu banumanyishe musangu wa kumpala dinanga didi Mvidi Mukulu utunanga nadi. Nuenu kujadika bimpe mudi Lumu alu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ ludi lulua kunudi. Mbu mudilu mu buloba buonso kabidi lukuama mamuma ne ludiundadiunda bu mudilu luenza munda muenu kabidi, katshia ku dituku dinuakunvua ne dinuakamanya ngasa wa Nzambi mu bushua.

Kolose 1:6 ပူးပေါင်းရင်းမြစ်များ

Misambu 110:3

Bantu badi bamanye mvita bikole badi baya nebe bua kukufila, dituku diudi usangisha bena mvita bebe. Bansongalume bebe badi bavue kuudi pa mikuna ya tshijila, bu mudi dima dipatuka pa kubundubundu.

Misambu 98:3

Uvua muvuluke malu ende makane, ne bulelela buende kudi bena Izrayele. Bantu bonsu too ne ku ndekelu kua buloba, badi bamona Mvidi Mukulu wetu uvua mutusungidile.

Matayi 24:14

Lumu lua Disanka, nebalumanyishe mu buloba bujima, bua kujadikila bisamba bionsu ne: Mvidi Mukulu udi unubikila ku Bukalenga buende. Diba adi, nshikidilu wa buloba neafike.

Matayi 28:19

Nenku nuye kudi bantu ba bisamba bionsu. Nubenze balongi banyi. Nubatue mu mayi mu dina dia Tatu, dia Muana, ne dia Mueyelu wa Tshijila.

Marke 16:15

Pashishe kubambilaye ne: — Nuye mu buloba bujima, nulongeshe bantu bonsu Lumu lua Disanka.

Marke 4:8

Kadi ntete mikuabu kumata mu buloba buimpe. Bisekiseki kutolokabi, kukola, kuela miepu: mikuabu ivua ne miepu ya ntete makumi asatu, mikuabu makumi asambombu ne minga lukama.

Yowanane 15:16

Nuenu kanuvua bansungule, kadi meme mvua munusungule, munutumine diyi bua nuye kukuama bimuma, bimuma bidi bishala kashidi. Nenku Tatu neanupeshe tshionsu tshinuamulomba mu dina dianyi.

Yowanane 17:19

Ndi ndifila mujima kuudi bualu buabu, bua bobu kabidi bikale bebe menemene.

Yowanane 4:23

Kadi tshikondu netshifike, ntshimane kufika mene, tshidi batendeledi balelela batendelela Tatu mu mueyelu ne mu bulelela. Bualu Tatu udi musue bantu badi bamutendelela mushindu ewu.

Bienzedi 11:18

Miaku ayi kubatalaja. Kutumbishabu Mvidi Mukulu, bamba ne: — Bushuwa, Mvidi Mukulu mmupe kabidi bantu ba bisamba bikuabu bukole bua kudilengeja, bua bapete muoyi mulelela.

Bienzedi 12:24

Kadi bantu bavua bitabe muaku wa Mvidi Mukulu kuvulanganabu bikole.

Bienzedi 16:14

Umue wa kudibu, dina diende Lidiya, uvua mutumine ku tshimenga tshia Tiyatira. Uvua ngendamushinga wa bilamba bikunze bia mushinga mukole. Uvua mumane kulamata tshisumbu tshia bena ditaba ba bena Yuda. Uvua muteleje ne ntema bituvua tuamba. Mfumu kunzulula muoyi wende, bua umvue bimpe bivua Polu wakula.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Rome 1:13

Bana hetu, ndi musue mmanye ne: mvua mujadike misangu ne misangu bua kufika kuenu aku. Kadi too ne lelu bavua amu bampumbishe. Mvua mujinge bua mudimu undi nkuata upete tshipeta ne kuenu kabidi, bu mudiwu wenda udiunda mu matunga makuabu a pa buloba.

Rome 15:19

ku bukole bua bishima ne bua malu a dikema, kabidi ne ku bukole bua Mueyelu wa Tshijila. Ke mumvua mulongeshe muanyi muonsu Lumu lua Disanka ludi lutangila Kristu. Mvua muendakane nseke yonsu, kutuadijila mu Yerushalayime, too ne ku buloba bua Iliriya.

Rome 15:28

Pangikala mujikije mudimu ewu, mumane kubapesha makuta avuabu basangishe, nentungunuke ne luendu bua kuya ku Espanye. Nanku mu luendu alu nempitshile kuenu.

Rome 16:26

Kadi mpindiewu bavua baaleje patoke. Mikanda ya bambi idi ijadika nanku. Mvidi Mukulu mmufume diyi bua bamanyishe bisamba bionsu meji masokome aa, bua bitabe Lumu lua Disanka, bitamikile Mvidi Mukulu.

2 Korente 10:14

Bu tuetu katuyi bafike kuenu aku, tuvua mua kupita mikalu. Kadi nudi munda mua mikalu idi Mvidi Mukulu mutufundile. Bualu tuvua bafike kuenu aku, banumanyishe Lumu lua Disanka lua Kristu.

2 Korente 6:1

Nenku tuetu badi bakuatshi ba mudimu pamue ne Mvidi Mukulu, tudi tunubela bua dinanga divua Mvidi Mukulu mutuleje dipatule tshipeta.

Efeze 3:2

Bushuwa, nukadi bumvue bamba bua mudimu uvua Mvidi Mukulu mungimikile ku luse luende, bua meme kunuenzela.

Efeze 4:21

Bulelela, nuvua bumvue bamba, banulongesha malu ende. Nanku nudi ne bua kulonda njila mulelela wa Yezu.

Efeze 4:23

Nuikale bantu bapiabapia. Nupete ne meji mapiamapia.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Filipe 4:17

Meme tshiena nkeba kupeta bintu. Kadi ndi njinga kusakidila ku binukadi nabi.

Kolose 1:10

Nanku nenumone mua kusomba mudi Mfumu musue, kuenza kabidi diba dionsu bidi bimulengelela. Nenuenze midimu mimpe ya mishindu yonsu. Nenuye kumpala mu dimanya dienu dia Mvidi Mukulu.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

1 Tesalonike 1:5

Bualu katuvua banulongeshe Lumu lua Disanka anu ku mishiku patupu, kadi ne bukole kabidi. Mueyelu wa Tshijila uvua utuambuluisha. Ke mutuvua bajadike bulelela bua Lumu lua Disanka elu ne bukitu. Nudi bamanye mutuvua basombe munkatshi muenu, anu bua kunuenzela bimpe.

1 Tesalonike 2:13

Tudi tuela amu kuela Mvidi Mukulu tuasakidila kabidi, bualu patuvua tunumanyisha muaku wa Mvidi Mukulu, nuvua bauteleje, bawitabe, kanuyi bautangile bu muaku wa muntu, kadi amu bu muaku wa Mvidi Mukulu. Bushuwa muaku awu uvua uleja muvuawu wa Mvidi Mukulu menemene, bualu uvua ukuata mudimu munda muenu nuenu badi bitaba.

2 Tesalonike 2:13

Bana hetu, tudi ne bua kuela Mvidi Mukulu tuasakidila, katuyi tupungila, bualu buenu nuenu, badi Mfumu munange. Bualu Mvidi Mukulu mmunusungule, bua nuikale ba kumpala, badi Mueyelu wa Tshijila usungidila. Bualu Mueyelu udi unuenza bantu ba Mvidi Mukulu. Nuenu kabidi nudi nuitaba bulelela.

1 Petro 5:12

Silase, undi ntangila bu muena ditaba netu wa muoyi umue, mmungambuluishe bua kufunda mukanda mukese ewu. Ndi musue kunukolesha ku muoyi, kunujadikila kabidi ne: nenumvue mu makenga dinanga didi Mvidi Mukulu ununanga nadi. Nushindame mu dinanga diende adi.