Kolose 1:22 - MUKANDA WA MYIDI MUKULU

²² Kadi mpindiewu Mvidi Mukulu mmutue nenu ndondu, ku lufu luvua Muanende mufue bu bantu bonsu. Ke muvuaye munuenze kumpala kuende bantu ba tshijila, bakane, kabayi kalema.

Mukanda wa Nzambi Dihungila Dikulukulu ne Dihungila Dihia-dihia 2003

²² katataka yeye wakulengeshangana nʼenu mu mubidi wandi wa ha buloba bualu bua lufu luandi, bua kunuteka ku mesu kuandi bu bantu ba tshijila, badi kabai ne tshilema ne badi kabai mua kubandibua ku mpala kuandi;

Kolose 1:22 ပူးပေါင်းရင်းမြစ်များ

2 Samuele 22:24

Ndi musue bua kamonyi mua kubandisha. Ndi mudilame bua tshienji bibi.

Yobe 15:15

Mvidi Mukulu kena mutekemene nansha kudi batumibue bende. Diulu ditshidi anu dimueneka bu didi ne mikiya ku mesu ende.

Yobe 25:5

Pikala ngondu menemene kayi ukenka, mitotu kayiyi miakane kumpala kua Mvidi Mukulu,

Misambu 51:7

Eyowa, ndi muenji wa malu mabi, katshia bandela, muena tshibawu, katshia bangimita.

Luke 1:75

bua tuikale bantu ba tshijila, tukumbaje tshidiye musue, matuku onsu atutshidi ne muoyi panu.

Rome 7:4

Bana hetu, bidi bia momumue kabidi buenu nuenu. Nudi bafue ku bidi bitangila mikenji, bualu nudi badisange mu mubidi wa Kristu. Mpindiewu nudi bantu ba muntu mukuabu, ba muntu uvua mubike ku bafue, bua tukuatshile Mvidi Mukulu midimu idi imusankisha.

2 Korente 11:2

Ndi mununange, munukuatshile mukawu, mudi Mvidi Mukulu mununange, munukuatshile mukawu. Bualu nudi bu mukaji utshidi kamama, umvua mufile kudi bayende umuepele, ke Kristu.

2 Korente 4:14

Mvidi Mukulu mmubishe Mfumu Yezu ku lufu. Ke mutudi bamanye ne: neatubishe ku lufu pamue nende. Neaditeke nenu pamue kumpala kua nkuasa wa butumbi.

2 Korente 5:18

Bionsu abi Mvidi Mukulu ke udi ubienza. Udi mututuangaje nende kudi Kristu, mutupeshe kabidi mudimu wa kufikisha bantu bakuabu bua badilengeje nende.

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

Efeze 5:27

Bualu uvua musue kudiangatshila Tshisumbu etshi ne bulenga buonsu. Kavua musue bua tshikale ne dinyanu, nansha ne kalema, nansha ne mutudi. Uvua mujinge bua tshikale tshia tshijila, tshiakane tshipuangane.

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 10:10

Bu mudi Yezu Kristu mukumbaje tshivua Mvidi Mukulu musue, bavua batujimijila mibi, ku mulambu wa mubidi wende uvuaye mufile musangu umue bua kashidi.

Ebrewu 10:20

Yezu mmutunzuluile njila mupiamupia, njila wa muoyi, bualu uvua upitshila mu tshilamba, mmomumue ne: mu mubidi wende wa muntu.

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

2 Petro 3:14

Bana hetu basuibue, panutshidi bindile dituku edi, enzayi muenu muonsu bua nuikale kanuyi katoba, kanuyi ne bubi, ku mesu kua Mvidi Mukulu. Nusombe kabidi nende mu ditalala.

Yuda 1:24

Mvidi Mukulu udi mua kunulama bimpe, bua kanuponyi mu bubi. Udi mua kunufikisha kabidi, kanuyi kalema, muoyi muwule tente ne musangelu, muaba unudi mua kumona butumbi buende.