Kolose 1:2 - MUKANDA WA MYIDI MUKULU

² tudi tunufundila mukanda ewu, nuenu bantu ba Mvidi Mukulu, badi basomba mu Kolose. Nudi badienze bana hetu mu ditaba, bualu nudi badisange ne Kristu. Dinanga ne bupole bia kudi Mvidi Mukulu Tatu wetu bishindame munda muenu.

Mukanda wa Nzambi Dihungila Dikulukulu ne Dihungila Dihia-dihia 2003

² kudi badi mu Kolosai, basanto ne bana betu bananukidi ba mu Kilisto. Ngasa ikale kunudi ne ditalala bia kudi Nzambi Tatu wetu.

Kolose 1:2 ပူးပေါင်းရင်းမြစ်များ

Misambu 16:3

Bantu badi bitaba Mvidi Mukulu mbena diakalenga, ndi nsankila kudibu.

Bienzedi 9:13

Ananiyase kuandamuna ne: — Mfumu, bantu ba bungi bavua batela muntu awu, bangambila malu mabi onsu avuaye wenzela bantu bebe mu Yerushalayime.

Rome 1:7

Nuenu bonsu badi mu Rome, badi Mvidi Mukulu unanga, badiye mubikile bua nuikale bende ba tshijila, ndi nnutumina mukanda ewu. Dinanga ne bupole bia kudi Mvidi Mukulu Tatu wetu, ne bia kudi Mfumu Yezu Kristu, bishindame munda muenu.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

1 Korente 4:17

Ke mundi nnutumina Timote, muananyi munanga, wa diyi dimue munda mua Mfumu. Yeye neanuvuluije bindi ngenza mu didisanga dianyi ne Yezu Kristu. Neanulongeshe malu andi ndongesha miaba yonsu mu Bisumbu bionsu bia bena ditaba.

Ngalate 1:3

Dinanga ne bupole bia kudi Mvidi Mukulu Tatu wetu, ne bia kudi Yezu Kristu, bishindame mu mioyi yenu.

Ngalate 3:9

Nanku bonsu badi bitaba, nebabele lupemba, bu muvua Abrahame muitabe, bamuele lupemba.

Efeze 1:1

Meme Polu, uvua Mvidi Mukulu mubikile, bua ngikale mupostolu, ndi mfundila bantu ba Mvidi Mukulu badi mu Efeze, bavua badisange ne Yezu Kristu mu ditaba, mukanda ewu.

Efeze 6:21

Tishike muanetu munanga, udi ukuatshila netu Mfumu mudimu ne muoyi umue, neanuambile malu onsu adi antangila, bua numanye munkadi mpindiewu.

Filipe 1:1

Meme Polu ne Timote, badi bakuatshila Yezu Kristu mudimu, tudi tunufundila, nuenu bonsu badi bitaba Yezu Kristu mu Filipe, kabidi ne bamfumu ne babambuluishi babu ba mu Tshisumbu tshienu, mukanda ewu.

1 Petro 1:2

Mvidi Mukulu Tatu mmunusungule, muvuaye mumane kujadika. Ku bukole bua Mueyelu wende nudi bantu bende, bua nutumikile Yezu Kristu, kabidi bua banulengeje ku mashi ende, nuikale zezeze. Dinanga ne bupole bishindame bikole munda muenu.

2 Petro 1:2

Dinanga ne bupole bishindame bikole munda muenu. Nenubipete, panudi nuya kumpala mu dimanya dia Mvidi Mukulu, ne dia Mfumu wetu Yezu Kristu.

Yuda 1:2

Ndi ndomba Mvidi Mukulu bua luse, bupole ne dinanga bivulangane munkatshi muenu.

Didimanyisha 1:4

Meme Yowanane, ndi mfundila Bisumbu muanda mutekete bia bena ditaba bidi mu buloba bua Aziya mukanda ewu: Dinanga ne bupole bia kudi Mvidi Mukulu, udiku, uvuaku, ne wafikaku, bia kudi mieyelu muanda mutekete idi kumpala kua nkuasa wende wa butumbi,