Kolose 1:19 - MUKANDA WA MYIDI MUKULU

¹⁹ Bualu Mvidi Mukulu mua mujadike bua kuikalaye mujima munda mua Muanende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Bualu bua Tatu wakasanka bua tshiuwidi tshionso tshia Bunzambi tshikale munda muandi;

Kolose 1:19 ပူးပေါင်းရင်းမြစ်များ

Luke 10:21

Diba adi Yezu kuwula ne disanka dia kudi Mueyelu wa Tshijila, kuamba ne: — Tatu, Mfumu wa diulu ne buloba, ndi nkuela tuasakidila, bualu udi mumanyishe bantu bashadile malu, audi musokoke bena meji, ne bantu bavua balonge mikanda. Eyowa, Tatu, ke muuvua musue ne: bienzeke nanku!

Yowanane 1:16

Muntu yonsu wa kutudi mmupete tshiende tshitupa tshia bubanji bua dinanga diende. Uvua mudiele lupemba misangu ne misangu.

Yowanane 3:34

Uvua Mvidi Mukulu mutume udi wamba miaku ya Mvidi Mukulu. Bualu Mvidi Mukulu udi mumupeshe Mueyelu wende wa Tshijila kayi upima.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

Efeze 1:23

Tshisumbu tshia bena ditaba, ke mubidi wa Kristu. Kristu, udi munda mua bionsu, udi ukuata kabidi mudimu munda mua Tshisumbu atshi ne bukole buende buonsu.

Efeze 1:3

Tutumbishayi Mvidi Mukulu, Tatu wa Mfumu wetu Yezu Kristu, tumuele tuasakidila! Bualu mmutuele lupemba mu Yezu Kristu, mmutupeshe kudiye mapa onsu a mu diulu.

Efeze 1:5

uvua mudianze kujadika nkayende bua kutuenza bana bende mu Yezu Kristu. Ke tshivuaye musue, kabidi ke bivua bimulengelela.

Efeze 4:10

Uvua mupueke awu, ke Yeye menemene uvua mubande mulu, bua kuwujaye bionsu ne bukole buende.

Kolose 2:3

Yeye ke nsapi idi ikangula, yunzulula bibutshilu bisokome bionsu bia meji ne lungenyi bia kudi Mvidi Mukulu.

Kolose 2:9

Bualu Mvidi Mukulu udi mujima munda mua Kristu mu bumuntu buende.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.