Kolose 1:12 - MUKANDA WA MYIDI MUKULU

¹² Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

Mukanda wa Nzambi Dihungila Dikulukulu ne Dihungila Dihia-dihia 2003

¹² Nusakidile Tatu, wakatuvuisha bantu badi mua kuikala babanyanganyi ba buhianyi bua basanto bua mu munya.

Kolose 1:12 ပူးပေါင်းရင်းမြစ်များ

1 Bakalenga 6:7

Bua kuibaka nzubu wa Mvidi Mukulu, bavua bamuibaka amu ne mabue majima, mushindu uvuabu baambule muaba udibu bumbula mabue. Nanku, matuku onsu avuabu bibaka nzubu wa Mvidi Mukulu, muntu kavua umvua mukuma wa ngindu, wa tshisuyi, nansha wa tshiamu tshikuabu.

1 Kulondolola 29:20

Davide kuambila kabidi bantu bonsu ne: — Elayi Maweja-Nangila, Mvidi Mukulu wetu tuasakidila. Bantu bonsu kuela Maweja-Nangila tuasakidila, Mvidi Mukulu wa bankambua babu. Kutuabu binu, kutua ne mpala panshi, batumbisha Maweja-Nangila, kabidi ne mukalenga Davide.

Misambu 116:7

Muoyi wanji kubutama, bualu Maweja-Nangila mmungenzele bimpe.

Misambu 36:9

Udi utudisha ne bilenga bia mu nzubu muebe, tuukuta, utunuisha ku misulu ya dinanga diebe.

Misambu 79:13

Kadi tuetu bantu bebe, mikoku ya mu tshikumbi tshiebe, netukuimbile misambu kashidi, tukutumbishe mu nkama ne nkama ya bidimu.

Misambu 97:11

Munya udi utema bua bantu bakane, bantu ba mioyi miakane, bobu badi ne disanka.

Nsumuinu 16:1

Muntu udi wela meji bua kuenza bualu kampanda munda muende. Kadi Maweja-Nangila ke udi mua kuamba muende mua ndekelu mudiye mumone.

Nsumuinu 4:18

Njila udi bantu bakane balonda, udi bu butoke bua mu dinda, budi buenda buvulangana too ne mudi munya ukola.

Danyele 2:23

Mvidi Mukulu wa bankambua banyi, ndi nkuanyisha, nkutumbisha. Udi mumpeshe meji ne bukole. Udi mummanyishe bualu butuvua bakulombe, mututanduile bualu buvua butatshisha mukalenga.”

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Yowanane 14:6

Yezu kumuandamuna ne: — Ndi njila, ndi bulelela, ndi muoyi. Muntu nansha umue kena mua kuya kudi Tatu kayi mupitshile kundi.

Yowanane 20:17

Yezu kumuamba ne: — Kundami to, bualu tshiena muanji kubanda kudi Tatu. Kadi uye kudi bana betu, ubambile ne: Ndi mbanda kudi Tatu wanyi, udi Tatu wenu kabidi, kudi Mvidi Mukulu wanyi, udi Mvidi Mukulu wenu kabidi.

Yowanane 4:23

Kadi tshikondu netshifike, ntshimane kufika mene, tshidi batendeledi balelela batendelela Tatu mu mueyelu ne mu bulelela. Bualu Tatu udi musue bantu badi bamutendelela mushindu ewu.

Bienzedi 20:32

Kadi mpindiewu, ndi nnuteka mu bianza bia Mvidi Mukulu, ne mu muaku wa luse luende. Muaku awu udi mua kunukolesha mu ditaba, kunupa bilenga bidi Mvidi Mukulu mulamine bantu badi bende.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Rome 11:17

Bena Izrayele badi bu mutshi wa olive, udibu balame mu budimi. Kukosabu matamba makuabu a mutshi awu. Wewe muntu wa ku bisamba bikuabu, udi bu ditamba dia mutshi wa olive uvua muitu. Wewe ke ditamba divuabu bakose ku mutshi wa olive awu, bua kudilamika ku mutshi wa olive uvuabu balame mu budimi, pa muaba wa matamba avuabu bakose. Ditamba adi mpindiewu didi dinua mayi ku miji ya mutshi uvuabu bakune mu budimi.

Rome 15:27

Bavua badijadikile bualu ebu nkayabu. Kadi bulelela bavua ne bua kuambuluisha bakengi aba. Bualu bena ditaba ba bena Yuda ba ku Yerushalayime bavua babanyangana ne bantu ba bisamba bikuabu ditaba diabu. Nanku bantu ba bisamba bikuabu badi ne bua kubambuluisha, kuabanyangana nabu bintu bia panu bidibu nabi.

Rome 8:17

Patudi bana bende, netupiane bilenga bivua Mvidi Mukulu mulaye bantu bende. Netubipiane pamue ne Kristu. Bualu patudi tukenga badisange ne Kristu, netusanke nende pamue mu butumbi bua momumue.

Rome 9:23

Butumbi buende bunene uvua musue kuteleja kabidi tuetu bantu badiye ufuila luse, badiye mudianze kulongolola bua tubuele mu butumbi buende.

1 Korente 8:6

Kadi buetu tuetu kudi Mvidi Mukulu amu umuepele, Tatu, Mufuki wa bionsu. Tudi ne muoyi panu, bua kuya kudiye. Kudi kabidi Mfumu umuepele, Yezu Kristu. Bionsu bidiku ku bukole buende. Tudi bapete muoyi amu kudiye.

1 Korente 9:23

Ndi ngenza bionsu ebi bua Lumu lua Disanka, bua mmone mua kupeta bidi Lumu alu lutulaya.

2 Korente 11:14

Katuena ne bua kukema nansha. Diabolu kabidi udi mua kudisokoka, kudileja ne bukenke bu mutumibue wa Mvidi Mukulu.

2 Korente 5:5

Amu Mvidi Mukulu mene ke udi utulongolola, bua tumone mua kuandamuka nanku. Ukadi mutupe Mueyelu wende bu tshieya tshia bionsu bidiye mutulamine.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Efeze 1:18

Ndi ndomba Mvidi Mukulu bua atokeshe lungenyi luenu, bua numanye tshinudi mua kutekemena kudi Mvidi Mukulu, bu mudiye munubikidile. Nanku nenumanye biuma bilenga bidiye mulamine bantu bende.

Efeze 2:18

Bualu bua Kristu, tuetu bonsu, bena Yuda ne bantu ba bisamba bikuabu, bonsu basanga kudi Mueyelu wa Tshijila, tudi mua kusemena pabuipi ne Mvidi Mukulu.

Efeze 3:6

Bualu busokome ebu budi nenku: ku bukole bua Lumu lua Disanka, bantu ba bisamba bikuabu nebapete pamue ne bena Yuda bilenga bidi Mvidi Mukulu mulamine bantu bende. Bonsu badi bidimba bia mubidi umue. Nebapete bonsu pamue bidi Mvidi Mukulu utulaya munda mua Yezu Kristu.

Efeze 4:6

Mvidi Mukulu udi umue, udi Tatu wa bantu bonsu. Udi ku mutu kua bonsu, ukuata mudimu kudi bonsu, usomba munda mua bonsu.

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

Efeze 5:4

Buakulavi, miaku ya bupale, nansha bilele bibi, kabiumvuiki kunudi. Mukana muenu mupatuke amu miaku ya kuela nayi Mvidi Mukulu tuasakidila.

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.

Kolose 2:2

Ndi nduangana bua bikale ne muoyi wa bukitu, banangangane, benze tshintu tshimue, bamanye malu onsu mu bulelela, bashindame munda muawu. Ke mudibu mua kujingulula meji masokome a Mvidi Mukulu, momumue ne: Kristu nkayende.

Kolose 3:15

Bupole bunudi nupeta kudi Kristu, buludike meji enu, ne bionsu binudi nuenza. Ku bupole abu ke kudi Mvidi Mukulu munubikidile bonsu pamue, bua nuenze bidimba bia mubidi umue. Nuele Mvidi Mukulu tuasakidila bua bualu ebu.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

Tite 2:14

Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Ebrewu 12:23

Nudi basemena pabuipi ne tshisangilu tshia tshibilu tshia banabute ba Mvidi Mukulu badi ne mena abu mafunda mulu. Nudi basemena pabuipi ne Mvidi Mukulu, mulumbuluishi wa bantu bonsu. Nudi basemena pabuipi ne mieyelu ya bantu batata benze bidi Mvidi Mukulu musue, bafike ku bujima buabu.

Ebrewu 3:1

Nanku, bana hetu bena ditaba, nuenu batata Mvidi Mukulu mubikile kabidi, nutangile Yezu utata Mvidi Mukulu mutume bua kuikalaye mutuangaji munene utudi tutonda mu ditaba dietu.

Ebrewu 3:14

Bualu tudi tuenda pamue ne Kristu mu njila, patudi tulama ne muoyi umue ditekemena dietu dia ku tshibangidilu too ne ku ndekelu.

Yakobe 3:9

Tudi tuela nalu Maweja-Nangila Tatu wetu tuasakidila. Kadi tudi tutshipa nalu bantu badi Mvidi Mukulu mufuke ku tshimfuanyi tshiende.

1 Petro 5:1

Bindi ngakula mpindiewu, bidi bitangila bantu ba munkatshi muenu badi bakulu ba Tshisumbu tshia bena ditaba. Meme kabidi ndi mukulu. Mvua mumone ne anyi abidi makenga a Kristu. Nendisange kabidi nende mu butumbi buende bukadi pa kumueneka. Nanku ndi ngambila bakulu ne:

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Didimanyisha 22:14

Bantu badi basukula mintumpu yabu, mbena diakalenga. Nanku nebabanyishe bua badie tshimuma tshia mutshi wa muoyi, babuele mu tshimenga, bapitshile ku tshiibi.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.