Kolose 1:11 - MUKANDA WA MYIDI MUKULU

¹¹ Tudi tulomba kudi Mvidi Mukulu bua anukankamike ne bukole bua butumbi buende, bua numone mua kumvua malu onsu ne lutuulu.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ ne bua nuenu mikoleshibue ne bukole buonso, bu mudi bukole bua butumbi buandi, tô ne ku dinanukila dionso ne ku lutulu lusangisha ne disanka.

Kolose 1:11 ပူးပေါင်းရင်းမြစ်များ

Misambu 63:2

Mvidi Mukulu, wewe udi Mvidi Mukulu wanyi. Udi munsamine muoyi. Ndi nkujinga. Ndi ne nyota yebe, amu bu mudi buloba bume bujinga mayi.

Ekesode 15:6

Maweja-Nangila, tshianza tshiebe tshia balume tshidi ne bukole, tshidi tshibutula baluishi bebe.

Nsumuinu 24:10

Paudi utekesha mu maboku diba diudi mu dikenga, bukole buebe mbumane kujika!

Yeshaya 45:24

Nebambe ne: “Amu kudi Maweja-Nangila nkayende, ke kutudi tupeta bukole, ke kutudi mua kutshimuna.” Bonsu bavua banduishe, nebafike kundi ne bundu.

Bienzedi 1:8

Kadi nenupete bukole, diba dianupuekela Mueyelu wa Tshijila. Nanku nenumone mua kujadika malu anyi mu Yerushalayime, mu ditunga dijima dia Yudeya ne dia Samariya, kabidi too ne ku ndekelu wa buloba.

Bienzedi 5:41

Bapostolu kumuka mu Tshipangu, benda basanka, bualu Mvidi Mukulu uvua mubamone ne: mbakane kumvua bipendu bua dina dia Yezu.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

1 Korente 16:13

Tabalayi, shindamayi bikole mu ditaba. Kolayi muoyi. Nuikale ne bukitu.

2 Korente 4:7

Kadi tuetu bavua bapete dipa dinene adi kudi Mueyelu, tudi amu bu ngesu ya dima, bua bantu bamone bimpe mudi bukole ebu bua dikema buikale bua Mvidi Mukulu, kabuyi buetu tuetu.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Efeze 4:2

Diba dionsu nudipuekeshe. Nuikale ne lutulu, kabidi ne diyi dimpe. Nulengululangane bilema, nunangangane.

Efeze 6:10

Nanku, kebayi bukole pa kudisanga ne Mfumu, bualu buende mbupite!

Filipe 4:13

Bu mudi Kristu unkolesha, ndi mua kupitshila mu bionsu amu bimpe.

2 Petro 1:6

ku dimanya didikolela, ku didikolela dinanukila, ku dinanukila dinemeka Mvidi Mukulu,

Yuda 1:25

Mvidi Mukulu umuepele awu uvua mutupandishe kudi Yezu Kristu, Mfumu wetu. Butumbi, bukole, buneme ne bumfumu bidi kudiye, biangatshile ku ntuadijilu wa bidimu, lelu ne kashidi tshiendelele. Amene.

Didimanyisha 14:12

Ke padi bantu ba Mvidi Mukulu, badi bakumbaja mikenji yende, kabidi bitaba Yezu, ne bua kunanukila, kulama lutuulu.